PA'JARIANG 34:7 - KITTA' MATANGKASA'

⁷ Sitabang le'baki anjo wattua nia'mi sikamma ana'na Yakub ammotere' battu ri paranga. Nalangngere'na ke'nanga anjo apa le'baka kajariang, ta'bangkami ke'nanga siagang sanna' ngasemmi larrona. Nasaba' lanri nagau' salana Sikhem anjo Dina, nahinami sikontu tu Israel.

PA'JARIANG 34:7 ပူးပေါင်းရင်းမြစ်များ

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

PA'JARIANG 34:6

Battumi Hemor, manggena Sikhem mae ri Yakub, ero' angngagangi a'bicara.

PA'JARIANG 34:8

Nakanamo Hemor ri Yakub, “Anakku Sikhem eroki ri ana'nu. Kupalaki nanukellai anakku a'bunting siagang ia.

PA'JARIANG 46:7

sikontu ana' cucunna bura'ne siagang baine.

2 SAMUEL 13:21

Nalangngereki Daud anjo apa kajarianga, siagang sanna'mi larrona napakamma.

PAMMUJI 93:5

O, Batara, mannannungangi hukkunTa, matangkasaki BallatTa satunggu-tungguna.

PANGNGEBARANG 7:7

Nampa jai kucini' tau rungka tenayapa apa-apa naasseng; mingka ia kaminang kuparhatikang ri ke'nanga, iamintu nia' sitau dongoka ri alla'na ke'nanga.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

KAIMANGNGANG 4:13

Punna ia dorakaya iamintu sikontu umma' Israel, lanri tenana nakunjungi andakkai kalase'renna parentaNa Batara,

KAIMANGNGANG 4:2

ampa'la'bangi napau mange ri tu Israel angkanaya inai-nai tena nasangajakki a'gau' dosa lanri nadakkai kalase'renna parentaNa Batara, musti nipinawangi anne paratoranga.

KAIMANGNGANG 4:27

Punna nia' sitau ra'ya' biasa a'gau' dosa lanri tena nakunjungi andakkai kalase'renna parentaNa Batara,

1 KORINTUS 10:8

Ikatte takkulleaki' anggaukangi nikanaya a'gau' bawang, sangkamma nagaukanga ke'nanga. Nasaba' nia' ruampulo antallussa'bu jaina battu ri ke'nanga mate lalanna sialloa, lanri nagaukanna kammaya ke'nanga.

1 KORINTUS 6:18

Pakabellai kalennu battu ri sikamma panggaukang bawanga. Nasaba' sikontu dosa maraenga nagaukanga taua, pantarangang batangkalennai anjo taua kajariang. Mingka inai-nai a'gau' bawang, battuanna a'gau' dosami mae ri kalenna.

EFESUS 5:3

Ikau ngaseng Umma'Nako Allata'ala. Lanri kammana, tasiratangai nia' ri tangnga-tangnganu nikanaya gau' bawang, gau'-gau' tenaya nasiratang, yareka kangoanga. Gassingka nia' napare' alasang taua ampakkanaiko angkana nugaukangi anjo sikammaya.

PAOLE 22:20

Mingka ebara' angkana kammatojengi anjo tuduhanga, siagang tena butti angkanaya ma'nassa tulolo iji anjo bainenna ri wattunna a'bunting ke'nanga,

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.

PAOLE 23:17

Se'rea tu Israel, baji' bura'ne kammayatompa baine, takkulleai a'jari pagau' bawang ri balla'-balla' panynyombanga.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

IBRANI 13:4

Sikontu taua musti napappicinikangi angkanaya napakalompoi nikanaya pa'nikkang; iaminjo saba'na naparallu massing tamalanrea tukkalabinia sijarreki ri pakkalabinianna. Inai-nai a'gau' sala yareka assalimara' laniadeli ri Allata'ala.

YAKOBUS 3:10

Battu ri bawaya assulu' kana-kana appala' sukkuruka, mingka battu ri iatommi anjo bawa se'rea assulu' kana-kana ansapatai taua. Mustina tena nakamma anjo, sikamma sari'battangku!

YOSUA 7:15

Nampa anjo tau nijo'joka siagang a'nyatami angkanaya ammoliki barang-barang anjo nipappisangkanga, musti nitunui sa'genna cappu' siagang sikamma kaluargana kammayatompa sikontu barang-barang napatanga; nasaba' iami anjo taua andakkai parjanjianga siagang le'baka anggaukangi kaja'dallang lompoa ri tangnga-tangngana umma' Israel.”

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

HAKING-HAKING 20:6

Nampa kualle maya'na kukerek-kere', nampa kukiring mae ri sampuloa anrua suku bansata massing tassikere'. Nakuppakamma anjo, lanri a'gau' ja'dala'na siagang appakasiri'na anjo tu Gibeaya ri tangnga-tangngana umma' Israel.