PA'JARIANG 34:30 - KITTA' MATANGKASA'

³⁰ Nakanamo Yakub ri Simeon siagang Lewi, “Nususai ngasemma' antu. Kamma-kamma anne inakke nakabirisima' tu Kanaan, tu Feris kammayatompa sikontu tau niaka anrinni ri pa'rasanganga. Ikatte taunta tena najai. Punna asse're ngaseng anjo taua angngewa' siagang ambundukia', sikontu bija pammanakanta akkulle ngasengi naancuru'.”

PA'JARIANG 34:30 ပူးပေါင်းရင်းမြစ်များ

PA'JARIANG 12:12

Punna nacinikko tu Mesirka, lanakapangi ke'nanga angkanaya ikau bainengkuko. Mattantu nabunoa' nampa natallassiko kau.

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 12:6

najappaimi Abram sikontu anjo pa'rasanganga sa'genna battu ri poko' kayu karama' ri More, iamintu tampa' panynyombanga ri Sikhem. (Anjo wattua nia' iji tu Kanaan ammantang ri anjo pa'rasanganga.)

PA'JARIANG 13:7

A'besere'mi sikamma pakalawakinna Abram siagang sikamma pakalawakinna Lot. (Anjo wattua nia' iji tu Kanaan siagang tu Feris ammantang anjoreng ri pa'rasanganga.)

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 34:29

Naalle ngasemmi ke'nanga sikontu barang-barang niaka anggaranna, natahammi sikontu bai'-bainea siagang ana'-anaka, kammayatompa narampasa' ngasemmi sikontu bonena balla' niaka ri anjo kotaya.

PA'JARIANG 34:31

Mingka appialimi ke'nanga angkana, “Takkulleai nabalang parekang andi'na ikambe nipare' sangkamma baine pagau' sala.”

PA'JARIANG 46:26

Yangasenna turunganna Yakub a'lampaya mange ri Mesir iamintu annampulo angngannang jaina, tanirekengapi sikamma mintunna.

PA'JARIANG 46:27

Ana'-ana'na Yusuf, ia lassuka ri Mesir nia' rua tau, sa'genna sikontu kaluargana battua ri Mesir nia' tujupulo tau yangaseng.

2 SAMUEL 10:6

Nampa naassemmo kalenna tu Amon angkanaya anjo panggaukanna ke'nanga a'jari passabakkang nanimusumo ke'nanga ri Daud. Lanri kammana anjo assewami ke'nanga 20.000 jaina tantara tu Siria niaka ammantang ri Bet-Rehob siagang Zoba, siagang 12.000 jaina tantara battu ri Tob, kammayatompa karaenna pa'rasangang Maakha siagang 1.000 tau ana' buana.

2 SAMUEL 16:21

Appialimi Ahitofel angkana, “A'lampa maki' mange ri sikamma baine piarana manggeta niaka anjagai balla' kakaraenganga, siagang sikatinroang maki' siagang ke'nanga. Lanaassengi sikontu tu Israel angkana lanri sikamma anjo apa kigaukanga, nakinipa'jari musumo ri manggeta. Jari sikontu tumminawanga mae ri katte pila' katambangi baranina.”

1 KARAENG-KARAENG 11:25

Sangkamma Hadad, Karaeng Rezon namusu tongi Israel ri jammang attallasa'na Salomo, siagang nakacoi anjo pa'rasanganga.

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

1 PATTOTTORANG 16:12

Ikau turunganna Yakub, atanNa Allata'ala! ikau turunganna Israel, Umma' nipileNa! U'rangi sikontu gau' mappakalannasa'Na, teako takkaluppa ri apa le'baka Napattantu.

1 PATTOTTORANG 16:19

Riolo a'jari tubattui umma'Na Batara anjoreng tena siapa jaina ke'nanga.

1 PATTOTTORANG 19:6

Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.

1 PATTOTTORANG 2:7

Akhan, ana'naya Karmi, turungang battu ri Zerah, angngerangi bala mange ri umma' Israel lanri angngallena barang nirampasaka lalang bundu' ia siratannaya lanipassareang mae ri Allata'ala.

PAMMUJI 105:12

Riolo sangkamma tubattu-battu umma'Na Allata'ala anjoreng tena nasiapa jaina ke'nanga.

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

PANGNGEBARANG 11:17

Tau baji' pa'maika napakaupaki kalenna; tau pallaka napakarugi kalenna.

PANGNGEBARANG 11:29

Tau ampakasusayai pakkalabinianna, latappelaki sikontu apa-apanna. Tau toloa lanalayani tau cara'deka.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.

PAOLE 4:17

jangang-jangang yareka juku'-jukukang, olo'-olo' akkaloloka yareka olo'-olo' maraengannaya.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.

PAOLE 7:7

Nakamaseangko siagang Napileko Batara, teai lanri la'bi lompoangangko na bansa-bansa maraenga; sikontu tojenna ikau bansa kaminang ca'di ri sikontu linoa.

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

1 SAMUEL 13:4

Mae ri sikontu bansa Israel napaumi Saul angkanaya le'baki nabuno panglimana tu Filistin, siagang angkanaya sanna'mi birisi'na tu Filistin mae ri tu Israel. Lanri kammana, amminawang turu'mi ra'yaka ri pakkio'na Saul untu' a'rappungang siagang ia ri Gilgal.

1 SAMUEL 16:2

Mingka akkuta'nammi Samuel angkana, “Antekamma musti kugaukanga? Punna nalangngere' anne passalaka Saul, ma'nassa nabunoa'!” Appialimi Batara angkana, “Angngerangko sikayu sapi rungka, siagang paui mae ri ra'yaka angkanaya niakko battu mange anjoreng untu' assare koro'bang mae ri Batara.

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”

1 SAMUEL 27:12

Mingka Akhis napatappaki Daud na napikkiri' lalang ri atinna angkanaya, “Sannaki nikabirisinna ri bansana kalenna, sa'genna tarpassa a'jari atangku lalang sikontu tallasa'na.”