PA'JARIANG 34:19 - KITTA' MATANGKASA'

¹⁹ Sadiami Sikhem untu' anggaukangi anjo pappala'na ke'nanga lanri ero'na ri Dina. Ri sikontuna kaluargana, iaminjo Sikhem kaminang nipilangngeri kananna.

PA'JARIANG 34:19 ပူးပေါင်းရင်းမြစ်များ

PA'JARIANG 29:20

Jari anjamami Yakub tuju taung sallona untu' anggappai Rahel. Nallallomo anjo taung-taunga sanrapang pirangalloji bawang ri pakkasia'na Yakub lanri sanna' mangngaina ri anjo tuloloa.

PA'JARIANG 34:18

Napikkiriki Hemor siagang Sikhem angkana siratangi anjo apa napalaka ke'nanga.

PA'JARIANG 34:20

Nampa a'lampamo Hemor siagang Sikhem ri tampa' pa'rappunganga ri pakke'bu' lompona kotaya. Nampa napabattu mae ri sikontu tuniaka ri anjo kotaya angkana,

PA'JARIANG 41:20

Nampa anjo sapi-sapi rosoka nakanremi anjo tujua sapi co'moka sumpadeng.

2 KARAENG-KARAENG 5:1

Anjo Naaman panglima tantarana tu Siria sannaka ningaina siagang nipakala'biri'na ri karaeng Siria. Nasaba' tete ri Naaman, nisarei pammetang ri Batara tantara Siria. Anjo Naaman panglima sanna' baranina, mingka natabai garring sala.

1 PATTOTTORANG 4:9

Nia' sitau bura'ne niareng Yabes, ia kaminang nipakala'biri' ri alla'na sikamma sari'battanna. Niarengi Yabes ri amma'na, lanri sanna'na sessana amma'na ri wattunna nilassukang.

KELONG MALA'BIRI' 8:6

Pa'jaria rappo ri atinnu, teako nia' maraeng nuraka' pantaranganna inakke; lanri anjo passingaianga sangkammai kassa'na kamateanga, na anjo napasua makoasai rapang kamateang. Rinrana rapangi rinrana pepeka a'rinra sannaka heba'na.

YESAYA 5:13

Lanri kammana, ummakKu tenaya apa-apa naasseng, lanierangi a'lampa a'jari tunitahang. Sikamma pamimpinga siagang ra'yaka lamate cipuruki siagang lamate turerei.

YESAYA 62:4

Arennu teaimi ‘Nibokoia’, pa'rasangannu teaimi ‘Ia Sinoa’. Lanigallarakko, ‘Nisayanga ri Allata'ala’, na pa'rasangannu niarengi, ‘Le'bakamo A'nikka,’ saba' mangngellai Batara mae ri kau, Ia rapangi bura'nenna pa'rasangannu.

PAMMILANGNGANG 22:15

Jari akkirimmi pole Balak la'bi jaiangngang tau nasuro siagang tinggiangnganga pangka'na naanjo rioloa.

LAMPA-LAMPANA 13:50

Mingka nikompa-kompa salami ri tu Yahudia sikamma tumalompoa siagang bai'-baine tumalompoa ri anjo kotaya, ia tu mallakamo ri Allata'ala. Napasimusumi ke'nanga siagang Paulus na Barnabas. Sa'genna nibongkamo Paulus siagang Barnabas battu ri anjo daeraya.

LAMPA-LAMPANA 17:12

Jaimi ri ke'nanga a'jari tappa' ri Isa. Jai tommi tu nipakalompona tu Yunania a'jari tappa', baji' nabaine kammayatompa bura'nea.

1 SAMUEL 22:14

Appialimi Ahimelekh angkana, “Mingka teaika Daud perwira tantarata kaminang tenaya pamminrana? Ia mintu kalenta, kapala pangawala' kalenta, siagang sannaka nipakalompona lalang ri balla' kakaraenganta?