PA'JARIANG 34:10 - KITTA' MATANGKASA'

¹⁰ Jari akkulle ngaseng mako ammantang siagang ikambe anrinni ri pa'rasanganga, ri tampa' nungaia. Akkulle mako bebasa' a'danggang siagang ammallaki pa'barang-barangngang.”

PA'JARIANG 34:10 ပူးပေါင်းရင်းမြစ်များ

PA'JARIANG 13:9

Jari bajikangngangi punna assisa'lakki'. Pileimi bageang kereanga anne tampaka nungai. Punna a'lampa mangeko anjoreng, inakke a'lampa mangea' ri maraengannaya.”

PA'JARIANG 20:15

Nakanamo anjo karaenga ri Abraham, “Iaminne sikontu pa'rasangangku; ammantammako ri keremae tampa' nungaia.”

PA'JARIANG 34:11

Nampa nakana Sikhem ri manggena Dina siagang sikamma sari'battanna, “Kitarimami anne pappalakku. Manna apa kipala' lakusareki' punna erokki'.

PA'JARIANG 34:9

Umba nipare' passitujuang angkana bansanu siagang bansana ikambe assileo'mi sibuntingi.

PA'JARIANG 42:34

Punna ammotere' mako angngerangi mae anjo andi'nu bungkoa lakuassemmi angkana teaiko mata-mata, passangalinna tau lambusu'. Jari anjo sari'battannu kutahanga lakupoterammi mae ri kau ngaseng, siagang akkulle mako ammantang ri anne pa'rasanganga. Kammayatompa bebasakko a'danggang.’ ”

PA'JARIANG 47:27

Kammaminjo lampa-lampana nammantammo tu Israel ri Mesir, ri Daera Gosyen. A'jari kalumanynyammi ke'nanga, siagang ammana'-mana' anjoreng.