PA'JARIANG 33:4 - KITTA' MATANGKASA'

⁴ Mingka larimi Esau anruppai Yakub, nampa naraka' siagang nabau. Nampa sikarrukimo anjo tau ruaya.

PA'JARIANG 33:4 ပူးပေါင်းရင်းမြစ်များ

PA'JARIANG 29:11

Nampa nabau anjo Rahel, nangngarru' napakamma rannu;

PA'JARIANG 29:13

Nalangngere'na Laban anjo kabara'na Yakub kamanakanna, larimi ero' mange ambuntuli. Naraka'mi Laban anjo Yakub siagang nabaumi nampa naerang antama' ri balla'. Le'ba'na nacarita ngaseng Yakub sikamma passalaka ri batangkalenna mae ri Laban,

PA'JARIANG 32:11

Kupala' dudui ri Katte, pasalamaka' battu ri daengku Esau. Mallaka' gassingka battui mae untu' ambundukia' siagang angngancurukka' sipa'gangngang, kammayatompa bai'-bainea siagang ana'-anaka.

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

PA'JARIANG 43:30

Tanatahangngami pa'mai'na Yusuf napakamma nakku'na siagang mangngamaseanna ri andi'na. Sike'de' mami tanakullea naparrangngi kalenna. Jari sikali a'lampami linta' battu ri anjo tampaka, nampa antama ri kamara'na angngarru'.

PA'JARIANG 43:34

Nisarei ke'nanga kanre battu ri mejanna Yusuf, nampa Benyamin a'lappi limai batena nilayani na sikamma daenna maraenga. Nampa angnganremo siagang angnginummi ke'nanga siagang Yusuf sa'genna bassoro' ke'nanga.

PA'JARIANG 45:2

A'lampana ngasemmo pagawena ambokoi anjo tampaka, angngarru' lompomi Yusuf, sa'genna nalangngere' tu Mesir niaka pantaranganna anjo tampaka. Na ta'rapi'mo anjo kabaraka mange ri balla'na karaenga.

PA'JARIANG 46:29

nai'mi Yusuf ri karetana untu' mange assibuntulu' siagang manggena anjoreng. Ri wattunna assibuntulu'mo ke'nanga, naraka'mi Yusuf anjo manggena nampa angngarru' sisalloang.

2 SAMUEL 14:33

Nampa a'lampamo Yoab mange andallekang ri Karaeng Daud siagang napabattumi pappala'na Absalom. Nakio'mi karaenga Absalom, siagang battumi Absalom su'ju' ri dallekanna karaenga. Siagang niruppaimi nibau ri karaenga.

NEHEMIA 1:11

Kipilangngeri laloi anne pappala' doangku siagang pappala' doanna atanTa maraenga, eroka ampakala'birikKi'. Kipabattumi pannulunTa sollanna anne alloa akkullei anne atanTa anggappa pangngamaseang battu ri karaenga.” Anjo wattua inakke pangngurusu' inunganna karaenga.

AYUB 2:12

Mingka nacini' battu bellana ija ke'nanga anjo Ayub, sike'de' mami ke'nanga natanarupaya anjo Ayub. Angngarru' lompomi ke'nanga siagang nakekkeki pakeanna kammayatompa appasimbummi limbu'bu' nai' ri allaka siagang nai' ri ulunna ke'nanga.

PAMMUJI 34:4

Malompoi Batara niaka anrurunganga', umba kissama-sama ampakala'biriki arenNa.

PANGNGEBARANG 16:7

Punna nupakasannang pa'mai'Na Batara, musu-musunnu laNapa'jari agangi.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

LAMPA-LAMPANA 20:37

Angngarru' ngasemmi ke'nanga siagang naraka'mi Paulus nampa nalappassang na napasalama' a'lampa Paulus.

1 SAMUEL 20:41

A'lampanamo anjo anaka, assulu'mi Daud battu ri bokona anjo pa'gompoang batua, nampa su'ju' pintallung. Baji' ia kammayatompa Yonatan para angngarru'mi ke'nanga ri wattunna massing assibau. La'bi lompoangangi si'nana Daud na Yonatan.