PA'JARIANG 33:17 - KITTA' MATANGKASA'

¹⁷ Mingka Yakub a'lampami mange ri Sukot, nampa ambangung balla' untu' kalenna siagang tampa' pa'la'langanna olo'-olo'na. Lanri kammana minjo na naaremmo anjo tampaka Sukot.

PA'JARIANG 33:17 ပူးပေါင်းရင်းမြစ်များ

PA'JARIANG 33:16

Kammaminjo, anjo alloa ammotere'mi Esau mae ri Edom.

1 KARAENG-KARAENG 7:46

Yangasenna anjo barang-baranga nasuro pareki karaenga anjoreng ri tampa' papparekanna ri Lappara' Yordan, niaka ri alla'na Sukot siagang Sartan.

PAMMUJI 60:6

Kipakaingaki tau mappilangngeria, sollanna ta'lappasa' ke'nanga battu ri hukkunganga.

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

KALAPPASSANG 13:20

Nabokoimi tu Israel Sukot nampa akkema ri kota Etam, ri birinna parang lompoa.

YOSUA 13:27

Ri Lappara'na Yordan anjo daerana suku Gad anjo antamaki Bet-Haram, Bet-Nimra, Sukot, siagang Zafon, iamintu sesa daera kakoasanna Karaeng Sihon ri Hesybon. Pa'baeng-baenna bageang lau'na daera suku Gad iamintu Binanga Yordan sa'genna mange ri Tamparang Galilea ri bageang wara'.

HAKING-HAKING 8:14

Anjoreng nia'mo se're tu rungka battu ri Sukot najakkala'. Nampa napakkuta'nangang areng-arenna tau a'jari pamimpinga ri Sukot. Natulisi' ngasemmi areng-arenna ke'nanga nampa nasareang Gideon. Nia' 77 tau jaina.

HAKING-HAKING 8:16

Le'baki anjo angngallemi Gideon ruku' akkatinting battua ri parang kassika. Nampa napangngajari ngaseng anjo pamimping-pamimpinna tuniaka ri kota Sukot.

HAKING-HAKING 8:5

Nampa battumi ke'nanga mange ri Sukot, anjoreng nakanamo Gideon ri tau ammantanga ri anjo kotaya, “Tulunga' nanusare sike'de' kanre taungku sanna'mo mangnganna ke'nanga na nampa laniondangija Zebah siagang Salmuna, karaenna anjo tu Midian.”

HAKING-HAKING 8:8

Napannarrusu'mi pa'jappana Gideon, sa'genna anrapi' mange ri Pnuel. Anjoreng appala' tommi kanre untu' taunna. Mingka sangkamma le'baki pappialinna taua anjoreng siagang taua ri Sukot.