PA'JARIANG 32:7 - KITTA' MATANGKASA'

⁷ Nalangngere'na Yakub anjo kabaraka, batami siagang sanna'mi malla'na. Nampa nabage ruamo anjo sikamma tau niaka naagang, kammayatompa gimbala'na, bembena, sapina siagang untana, nasa'la' tommi a'jari ruang pammantangngang.

PA'JARIANG 32:7 ပူးပေါင်းရင်းမြစ်များ

PA'JARIANG 32:11

Kupala' dudui ri Katte, pasalamaka' battu ri daengku Esau. Mallaka' gassingka battui mae untu' ambundukia' siagang angngancurukka' sipa'gangngang, kammayatompa bai'-bainea siagang ana'-anaka.

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

PA'JARIANG 32:8

Nakana nawa-nawana, “Punna battu Esau nampa nabunduki pammantangngang makase'rea, anjo pammantangngang makaruaya akkullei napasalama' kalenna.”

PA'JARIANG 33:1

Nacini'mi Yakub nia' battu mae Esau nirurungang ri patambilangngang taunna. Lanri kammana nasa'la'-sa'la'mi ana'na. Nia' ri Lea, ri Rahel siagang ri ruaya baine piarana.

PAMMUJI 107:6

Lalang kasusaanna akkioki ke'nanga mae ri Batara, na nipakabebasa'mo ke'nanga battu ri kasukkaranga.

PAMMUJI 112:5

Mate'nei tau lammoro' pa'maika siagang tau nangaia appapiinrang kammayatompa tau lambusuka lalang sikontu urusang.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.

PAMMUJI 31:13

Nikaluppaia' sanrapang tu mate, a'jarima' sanrapang barang nipelaka.

PAMMUJI 61:2

Kipilangngeri pakkiokku, o, Allata'ala, parhatikangi pappala' doangku.

KALAPPASSANG 14:10

Nacini'na tu Israel anjo Karaeng Mesir siagang tantarana battu, teaimi sipato' malla'na ke'nanga. Nammarrammo ke'nanga appala' tulung ri Batara.

PANGNGEBARANG 2:11

Lanikatutuiko ri pammahannu siagang kacara'dekannu,

YESAYA 28:26

Naassengi carana anjamai, saba' le'ba'mi Niajara' ri Allata'alana.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 8:26

Nakanamo Isa, “Angngapa numalla' kamma ngaseng? Kurang tappakko ri Nakke?” Nampa ammenteng Isa, naNaga'gara' anjo anginga siagang tamparanga. Sa'genna sannang sikalimo anjo tamparanga.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

LAMPA-LAMPANA 14:22

Napakajarre'mi atinna sikamma tau tappaka ri Isa ri anjo kota-kotaya. Napakainga'mi ke'nanga, sollanna tuli jarre' tappa'na mae ri Isa. “Musti jai rolong pa'risi' nikasia', nampa akkulle nikasia' mate'nea lalang ri Lino BeruNa Allata'ala,” kammami anjo napangngajarrang tunisuroNa Allata'ala mae ri sikamma tau tappakamo mae ri Isa, ri anjo kota-kotaya.

2 KORINTUS 1:4

Iami ansaleori pa'mai'na ikambe ilalang sikamma kasukkaranna ikambe. Sollanna lanri panjarrekkinNa, nakkulle tommo ikambe ansaleori tongi sikontu tau natujua susa.

2 TIMOTIUS 3:12

Memang, lanisessa memangi sikamma tau eroka anynyomba ri Allata'ala siagang tau asse'rea siagang Isa Almasi lalang ri katallassanna;