PA'JARIANG 32:5 - KITTA' MATANGKASA'

⁵ Kamma-kamma anne nia' sapiku, keledaiku, gimbalakku, bembeku, siagang tunisuroku. Akkiringa' kabara' mae ri karaengku, nakuminasai nalasannang pa'mai'na karaengku allangngereki.’ ”

PA'JARIANG 32:5 ပူးပေါင်းရင်းမြစ်များ

PA'JARIANG 30:43

Kammaminjo na'jari sanna'mo kalumanynyanna Yakub. Jai sikalimi bembena, gimbala'na, untana, keledaina, siagang tunisuro-surona.

PA'JARIANG 31:16

Sikontu kakalumanynyangngang le'baka Naalle Allata'ala battu ri manggena ikambe sikontutojenna ikambe pata siagang ana'-ana'na ikambe. Gaukammi apa Naparentakanga Allata'ala mae ri kau.”

PA'JARIANG 31:3

Nakanamo Batara mae ri Yakub, “Ammotere' mako mange ri pa'rasanganna manggenu siagang sikamma bija pammanakannu. INakke lanjagaiko.”

PA'JARIANG 33:11

Kupalaki, nakitarima anne passare kueranga. Baji' pa'mai'mi Allata'ala mae ri nakke na Nasarema' sikontu apa kuparalluanga.” Tuli napala' dudumi Yakub ri daenna, nakala'busanna ero'mi Esau antarimai anjo passarena.

PA'JARIANG 33:15

Nakanamo Esau, “Baji'mi punna kamma. Lakuboliki siapa are jaina ana' buaku nania' nuagang.” Mingka appialimi Yakub angkana, “Tea' maki' susa-susai, ero'naji kupakasannang atinta.”

PA'JARIANG 33:8

Akkuta'nammi Esau angkana, “Apa ero'nu ri anjo sikamma pa'rappungang kubuntuluka sumpadeng?” Appialimi Yakub angkana, “Untu' ampakasannangi atinta Daeng.”

PA'JARIANG 47:25

Appialimi ke'nanga angkana, “Kipasalama'mi anne ikambe karaeng. Appala' sukkuru'mi ikambe. Rellami anne ikambe a'jari atanna karaenga.”

2 SAMUEL 16:4

Nampa nakanamo karaenga ri Ziba angkana, “Appakkaramula kamma-kamma anne sikontu barang-baranna Mefiboset ikau ngasemmi pata.” Appialimi Ziba angkana, “Tarima kasi karaeng. Dasi-dasi natuli sannang pa'maitta mae ri atanta karaeng!”

AYUB 6:22

Apa saba'na? Apaka nia' kupala' ri kau? Yareka kusuroko ammuccu' doe' ri taua untu' kaparalluangku?

LUKAS 12:45

Mingka punna nakana lalang ri pa'mai'na anjo palayanga, ‘Salloinji nampa ammotere' karaengku,’ nampa appakkaramulamo naba'ji ngaseng palayanga siagang angnganre-nganremi nangnginunga tojeng sa'genna nasa'ring.

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”

1 SAMUEL 1:18

Appialimi Hana angkana, “Poro kipappala'-palakkanga' bapa'.” Nampa a'lampamo, namange angnganre. Tenamo nasi'na pa'mai'na.