PA'JARIANG 32:11 - KITTA' MATANGKASA'

¹¹ Kupala' dudui ri Katte, pasalamaka' battu ri daengku Esau. Mallaka' gassingka battui mae untu' ambundukia' siagang angngancurukka' sipa'gangngang, kammayatompa bai'-bainea siagang ana'-anaka.

PA'JARIANG 32:11 ပူးပေါင်းရင်းမြစ်များ

PA'JARIANG 24:27

Nakana, “Nipujimi Batara, Allata'alana karaengku Abraham. Ma'nassa akkana sitappa' tojengi Batara siagang baji' pa'maiki mae ri karaengku Abraham. KalenNa ampimpinga' tulusu' mae ri bija pammanakanna.”

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 27:42

Nalangngere'na Ribka anjo rancanana Esau, nakio'mi Yakub nampa nakana ri ia, “Pilangngeri anne. Eroki daennu Esau ampa'balassiko siagang erokko nabuno.

PA'JARIANG 32:3

Le'baki anjo nasuromi Yakub siapa are tau untu' a'jappa riolo mange ri pa'rasangang Edom untu' angngagangi sicini' Esau, daenna.

PA'JARIANG 32:7

Nalangngere'na Yakub anjo kabaraka, batami siagang sanna'mi malla'na. Nampa nabage ruamo anjo sikamma tau niaka naagang, kammayatompa gimbala'na, bembena, sapina siagang untana, nasa'la' tommi a'jari ruang pammantangngang.

PA'JARIANG 33:4

Mingka larimi Esau anruppai Yakub, nampa naraka' siagang nabau. Nampa sikarrukimo anjo tau ruaya.

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

PAMMUJI 119:134

Kilappassanga' battu ri tau anjallakkangia', sollangku akkulle mannuruki ri paratoranTa.

PAMMUJI 142:6

Akkioka' mae ri Katte, o, Batara, iKattemi tampa' pa'la'langangku, iKatteji bawang kuparalluang lalang ri anne tallasakku.

PAMMUJI 16:1

Pammujina Daud. Jagaia', o, Allata'ala, saba' iKattemi kupa'la'langi.

PAMMUJI 25:20

Jagaia' siagang Kipasalamaka', sollanna tena kunggappa siri' saba' ma'la'langa' mae ri Katte.

PAMMUJI 31:2

IKattemi pa'la'langangku, o, Batara, teaKi' passalasaia'. Pasalamaka' lanri kaadelanTa,

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PANGNGEBARANG 18:19

Sari'battang pa'risika pa'mai'na la'bi sukkaraki nireppesi kala kota kassaka; pa'beseranga sanrapangi panjoli pakke'bu' lompona kota pattahangnganga.

DANIEL 3:17

Punna akkulle Allata'ala nasombaya ikambe ampasalamaki ikambe battu ri anjo pepe' a'rinra-rinraya siagang battu ri kakoasanna karaengku, mattantu Nagaukangi.

HOSEA 10:14

jari lanitujumi ra'ya'nu ri pa'bundukang, siagang sikontu pattahangannu laniancuruki. Pattallassannu la'jari sangkammai ri allonna Karaeng Salman napanraki kota Bet-Arbel lalang pa'bundukang, siagang nalissarrang sikamma amma'-ammaka siagang ana'-ana'na.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

PAOLE 22:6

Punna nia' nubuntulu' ru'mung jangang-jangang ri poko' kayua yareka ri buttaya siagang anrong jangang-jangang sitabang angngoppoki bayaona yareka angngoppoki ana'-ana'na, teako allei anjo anrong jangang-janganga.

1 SAMUEL 12:10

Nampa appala' doang ke'nanga mae ri Batara siagang namangakuimi dosa-dosana ke'nanga, angkana, ‘Dorakami ikambe lanri nabokoinTa, o Batara, siagang anynyombami ikambe mae ri patung-patunna Rewata Asytoret siagang Baal. Mingka kamma-kamma anne, Kipasalamaki ikambe battu ri musunna ikambe, nampa anynyomba ikambe mae ri Katte!’

1 SAMUEL 24:15

Batara la'jari haking mae ri katte sipa'rua, ikatte karaeng siagang anne atanta. Tapporo Naparessai anne parkaraya, na Nabantu atanta siagang Napasalama' atanta battu ri karaeng.”