PA'JARIANG 31:53 - KITTA' MATANGKASA'

⁵³ Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

PA'JARIANG 31:53 ပူးပေါင်းရင်းမြစ်များ

PA'JARIANG 11:31

A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.

PA'JARIANG 14:22

Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

PA'JARIANG 16:5

Nakanamo Sarai ri Abram, “Kupassareammi anjo atangku Hagar mae ri kau. Mingka naassennamo kalenna tianang, tenamo najampangia'. Anjo ikau pata sala. Tapporo Naadeliki' sipa'rua Batara passabakkang anne passalaka.”

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 31:42

Ebara' angkana tena Najagaia' Allata'alana boeku, iamintu Allata'ala napakalompoa Abraham siagang Ishak, ma'nassa salloma' le'ba' kisuro a'lampa tanggappaya apa-apa. Mingka Naparhatikangi Allata'ala kasusaangku siagang jama-jamang le'baka kugaukang, nampa ri bangngia le'ba'mi Napassareang apa Napattantua.”

PA'JARIANG 31:52

Baji' na anne pattambunganga, kammayatompa anjo batu pappakaingaka, iami lampakaingakki' angkanaya takkulleai kulalloi anne pattambunganga untu' mange ambundukiko. Nampa ikau pole takkulleai nulalloi anne pattambunganga siagang anne batu pangngu'rangi untu' mange ambundukia'.

PA'JARIANG 47:31

Nakanamo Yakub, “Assumpa mako angkana lanugaukangi.” Assumpami Yusuf, nampa appala' sukkuru'mo Yakub ri katinroanna.

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

PAOLE 6:13

Pakala'biriki Batara, Allata'alanu, siagang Ia bawang nusomba; siagang punna assumpako, gaukammi anjo lanri arenNa bawang.

YOSUA 24:2

Nampa nakana Yosua mae ri ke'nanga, “Pilangngeri anne kananNa Batara, Allata'alana Israel mae ri kau, angkanaya, ‘Riolo dudu, boe-boenu anjorengi ammantang ri ba'leanna Binanga Efrat, siagang anynyombai ri rewata-rewataya. Kalase'renna battu ri ke'nanga iamintu Terah, manggena Abraham siagang Nahor.

HAKING-HAKING 11:27

Tena, tena na sala ikambe mae ri kau. Ikau sala nasaba' nubunduki ikambe. Anne alloa Batarami haking untu' antappuki anne parkarana bansa Israel siagang bansa Amon.”

1 SAMUEL 20:23

Tapporo Najagaiko Batara sollanna akkulle para nita'gala' jarre' parjanjianta sipa'rua.”

1 SAMUEL 24:12

Tapporo Batara antappuki angkana inai ri katte sipa'rua sala. Poro Batara ambalasaki panggaukanna karaenga mae ri atanta, mingka manna sike'de' tania' ero'na atanta untu' ampa'risiki'.