PA'JARIANG 31:45 - KITTA' MATANGKASA'

⁴⁵ Angngallemi Yakub se're batu nampa napaenteng untu' a'jari batu pangngu'rangi.

PA'JARIANG 31:45 ပူးပေါင်းရင်းမြစ်များ

PA'JARIANG 31:46

Nampa nasuro sikamma taunna appasse're batu untu' napattambung. Le'baki anjo angnganremi assama-sama ke'nanga ri ampi'na anjo batu attambunga.

PA'JARIANG 35:14

Ambangummi se're batu pangngu'rangi Yakub ri anjo tampa'Na Allata'ala a'bicara mae ri Yakub. Nampa napassareang anjo batua mae ri Allata'ala siagang natirikimi anggoro' na minynya' zaitun mabau' irateanna.

YOSUA 24:26

Sikontu anjo hukkunga siagang paratorang-paratoranga natulisiki lalang ri Kitta' HukkunNa Allata'ala. Nampa angngalle se're batu lompo, na napaenteng irawanganna poko' kayu lompoa ri tampa' nisa'laka untu' Batara.

YOSUA 24:27

Le'baki anjo nakanamo Yosua mange ri yangasenna anjo taua, “Anne batua a'jari sa'bi mae ri katte. Sikontu kana-kana Napabattua Batara mae ri katte, le'ba'mi nipau ri dallekanna anne batua. Jari, iaminne batua la'jari sa'bi mae ri kau ngaseng, untu' ampiu'rangiangko sollanna tena nanuewai Allata'alanu.”