PA'JARIANG 31:34 - KITTA' MATANGKASA'

³⁴ Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.

PA'JARIANG 31:34 ပူးပေါင်းရင်းမြစ်များ

PA'JARIANG 31:17

Apparurumi Yakub untu' ammotere' mange ri manggena ri butta Kanaan. Napanai'mi sikamma bainenna siagang ana'-ana'na ri untaya, nampa naemba sikontu bembena siagang gimbala'na kammayatompa sikontu apa-apa le'baka nagappa ri Mesopotamia.

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:33

A'lampami Laban mange ri kemana Yakub nampa naparessa. Le'baki anjo a'lampa tommi mange ri kemana Lea siagang ri kemana anjo ruaya baine suroa, mingka tanagappayai anjo patunga. Kala'busanna antama'mi ri kemana Rahel.

PA'JARIANG 31:35

Nakanamo Rahel ri manggena, “Teaki' larroi Bapa', nasaba' takkullea' ammenteng anruppaiki', nasaba' battui bulangku.” Naboya baji'-baji'mi Laban anjo patunga, mingka tanabuntulai.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

KAIMANGNGANG 15:9

Pa'lapa' jaranna yareka apa-apa mamo le'baka napammempoi anjo taua a'jari ra'masaki.

HAKING-HAKING 18:24

Appialimi Mikha angkana, “Nulariangi patung-patungku siagang imanna, sa'genna tenamo apa-apangku, nampa nukana ‘Apa kutadeng?’ ”

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”