PA'JARIANG 31:32 - KITTA' MATANGKASA'

³² Passala' anjo patunga, punna nia' kalase'renna tau anrinni kigappa allukkaki, lanihukkung matei. Kiparessami, apaka nia' barang-baranta anrinni purina. Punna nia', kiallemi ammotere'. Nampa massing taunta akkulle a'jari sa'bi.” Tanaassengai Yakub angkana Rahel allukkaki anjo patunga.

PA'JARIANG 31:32 ပူးပေါင်းရင်းမြစ်များ

PA'JARIANG 13:8

Nakanamo Abram ri Lot, “Ikatte anne tau sibijaki'. Tabajikai punna a'besere' taunnu siagang taungku.

PA'JARIANG 19:7

nakanamo ri sikamma tu Sodom, “Sikamma sari'battangku, kupala' tojeng-tojengi ri katte ngaseng, tea' laloki a'gau' kammai anjo ja'dala'na!

PA'JARIANG 30:33

Ri allo ri boko akkullei kiasseng angkanaya apaka lambusukka' lalang ri jama-jamangku. Punna battuki' untu' amparessai sawalakku, nampa nia' kicini' bembe tena na'batti' yareka tena na'ballang, yareka gimbala' tenaya nale'leng, akkullemi kiasseng purina, angkanaya anjo olo'-oloka apa kulukka'.”

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:23

Napa'rappungammi sikamma taunna Laban, nampa a'lampa siagang ke'nanga mange angngondangi Yakub. Tuju allo sallona nampa akkulle narapi' ke'nanga ri daera Moncong Gilead.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

PA'JARIANG 31:31

Appialimi Yakub angkana, “A'lampa' tamakkana-kana lanri mallaka' angkana gassingka kitahangi ana'-anatta purina.

PA'JARIANG 31:33

A'lampami Laban mange ri kemana Yakub nampa naparessa. Le'baki anjo a'lampa tommi mange ri kemana Lea siagang ri kemana anjo ruaya baine suroa, mingka tanagappayai anjo patunga. Kala'busanna antama'mi ri kemana Rahel.