PA'JARIANG 31:30 - KITTA' MATANGKASA'

³⁰ Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

PA'JARIANG 31:30 ပူးပေါင်းရင်းမြစ်များ

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:31

Appialimi Yakub angkana, “A'lampa' tamakkana-kana lanri mallaka' angkana gassingka kitahangi ana'-anatta purina.

PA'JARIANG 35:2

Nakanamo Yakub mae ri kaluargana siagang sikontu tau naaganga, “La'lampaki' anrinni nampa mangeki' ri Betel. Lambangunga' anjoreng tampa' pakkoro'bangngang untu' Allata'ala, Ia le'baka antulunga' ri wattungku lalang kasukkarang siagang le'baka anjagaia' manna kemae lampaku. Jari pela' ngasengi sikontu patung-patung maraenga ia niaka ri kau. Tangkasi ngasengi kalennu siagang pakei pakeang tangkasa'nu.”

2 SAMUEL 5:21

Larimi tu Filistin, siagang tenamo nasawe angngerangi sikamma patung-patung barhalana ke'nanga. Niallemi ri Daud siagang ana' buana anjo patung-patunga.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

YESAYA 37:19

Sikamma rewatana ke'nanga natunu tommi siagang naancuru' tommi, lanri sikamma anjo rewataya tena sikali koasana. Anjo rewataya poro patung kayuji siagang patung batuji, bate pare' rupatau.

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

YEREMIA 43:12

LapparinrA' pepe' ri sikamma balla'-balla' rewatana Mesir, nampa lanatunu karaeng Babel anjo patung-patung barhalaya ri anjo balla' rewataya yareka naengkaki mange ri pa'rasanganna. Rapang sitau pakalawaki antangkasi pakeanna battu ri gantuma, kamma tomminjo karaeng Babel lambarrasaki Mesir, nampa a'lampa ammotere' tena anrompai.

YEHEZKIEL 21:21

Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

PAMMILANGNGANG 10:30

Appialimi Hobab angkana, “Tarima kasi, mingka kaerokka' ammotere' mange ri kampongku.”

PAMMILANGNGANG 33:4

sitabanga antarawangi ana'-ana' bungasa'na ke'nanga, ia le'baka nibuno ri Batara. Lanri iaminjo gau'na, na Napa'buttimo Batara angkanaya Ia la'bi kassa' kala rewata-rewatana tu Mesir.

YOSUA 24:2

Nampa nakana Yosua mae ri ke'nanga, “Pilangngeri anne kananNa Batara, Allata'alana Israel mae ri kau, angkanaya, ‘Riolo dudu, boe-boenu anjorengi ammantang ri ba'leanna Binanga Efrat, siagang anynyombai ri rewata-rewataya. Kalase'renna battu ri ke'nanga iamintu Terah, manggena Abraham siagang Nahor.

HAKING-HAKING 18:17

Tulusu'mi antama ri balla' anjo limaya mata-mata, nampa naalle anjo patung nilapisika pera' siagang patung-patung maraenganga, kammayatompa Efodka. Anjo turungka tu Lewia niaki ammenteng siagang anjo 600 tantara ri dallekanna pakke'bu' lompoa.

HAKING-HAKING 18:24

Appialimi Mikha angkana, “Nulariangi patung-patungku siagang imanna, sa'genna tenamo apa-apangku, nampa nukana ‘Apa kutadeng?’ ”

HAKING-HAKING 6:31

Mingka angkanami Yoas mae ri ke'nanga, “Apaka agang maeko ri Baalka na nuero' angngalle-alleangi? Inai-nai agang mae ri Baal iami lanibuno anne alloa! Punna ma'nassa Allata'ala anjo Baal, lappassammi naia tommo kalenna larro, lanri nibongkara'na tampa' pakkoro'bangnganna.”