PA'JARIANG 31:19 - KITTA' MATANGKASA'

¹⁹ Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

PA'JARIANG 31:19 ပူးပေါင်းရင်းမြစ်များ

PA'JARIANG 24:38

mingka battu ri alla'na bija pammanakanna manggeku. Jari a'lampamako mange anjoreng linta'.’

PA'JARIANG 31:20

Naakkallimi Yakub anjo Laban, natena napauangi pa'lampanna.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

PA'JARIANG 31:32

Passala' anjo patunga, punna nia' kalase'renna tau anrinni kigappa allukkaki, lanihukkung matei. Kiparessami, apaka nia' barang-baranta anrinni purina. Punna nia', kiallemi ammotere'. Nampa massing taunta akkulle a'jari sa'bi.” Tanaassengai Yakub angkana Rahel allukkaki anjo patunga.

PA'JARIANG 31:34

Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.

PA'JARIANG 31:35

Nakanamo Rahel ri manggena, “Teaki' larroi Bapa', nasaba' takkullea' ammenteng anruppaiki', nasaba' battui bulangku.” Naboya baji'-baji'mi Laban anjo patunga, mingka tanabuntulai.

PA'JARIANG 35:2

Nakanamo Yakub mae ri kaluargana siagang sikontu tau naaganga, “La'lampaki' anrinni nampa mangeki' ri Betel. Lambangunga' anjoreng tampa' pakkoro'bangngang untu' Allata'ala, Ia le'baka antulunga' ri wattungku lalang kasukkarang siagang le'baka anjagaia' manna kemae lampaku. Jari pela' ngasengi sikontu patung-patung maraenga ia niaka ri kau. Tangkasi ngasengi kalennu siagang pakei pakeang tangkasa'nu.”

PA'JARIANG 38:13

Anggappami kabara' Tamar, angkana niaki labattu matoanna ri Timna untu' anggoncingi bulunna gimbala'na.

2 SAMUEL 13:23

Ruan taung ribokoanganna appare'mi passua'-suarrang Absalom lanri anggoncinna bulu gimbala' ri Baal-Hazor, ri ampi'na kota Efraim. Naundang kabusu'mi ana' bura'nena karaenga.

2 KARAENG-KARAENG 23:24

Sollanna nakkulle nigaukang hukkung-hukkung niaka tattulisi' lalang ri anjo kitta' nagappaya Imang Lompo Hilkia lalang ri Balla'Na Batara, nabongka kabusu'mi Karaeng Yosia sikamma pakio' rohna tumatea siagang pacinika battu ri Yerusalem siagang battu ri sikontu Yehuda, nampa napela' kabusu' rewata ruma tanggaya, barhalaya, siagang barang-barang nipakea untu' anynyomba ri rewata-rewataya.

YEHEZKIEL 21:21

Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

YOSUA 24:2

Nampa nakana Yosua mae ri ke'nanga, “Pilangngeri anne kananNa Batara, Allata'alana Israel mae ri kau, angkanaya, ‘Riolo dudu, boe-boenu anjorengi ammantang ri ba'leanna Binanga Efrat, siagang anynyombai ri rewata-rewataya. Kalase'renna battu ri ke'nanga iamintu Terah, manggena Abraham siagang Nahor.

HAKING-HAKING 18:31

Anjo patung barhala bate pare'na Mikha tuli niaki ri Lais ri wattu nia'na KemaNa Batara ri Silo.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

1 SAMUEL 19:13

Le'baki anjo angngallemi Mikhal patung rewata niaka ri balla'na nampa napadongko' ri katinroanna Daud. Nampa nasare pa'lungang bulu bembea nipare' ri tuju ulunna Daud, nampa nakalimbuki anjo patunga.

1 SAMUEL 25:2

Ri kota Maon nia' sitau bura'ne battu ri passibijanna Kaleb, niarenga Nabal. Nia' parang pangnganreang olo'-olo' katuona ri ampi'na kota Karmel. Sanna' kalumanynyanna siagang nia' 3.000 kayu gimbala'na, siagang 1.000 kayu bembena. Bainenna niarenga Abigail sanna' cara'de'na siagang sanna' ga'gana. Mingka Nabal kasara' sikali sipa'na siagang kodi panggaukanna. Ri se'reang allo sitabangi Nabal nacukkuru' bulu gimbala'na ri Karmel.