PA'JARIANG 31:11 - KITTA' MATANGKASA'

¹¹ Siagang nia'mi Allata'ala a'rupa malaeka' a'bicara ri nakke lalang anjo so'naku, angkana, ‘Yakub!’ Appialima' angkana, ‘Iye'’.

PA'JARIANG 31:11 ပူးပေါင်းရင်းမြစ်များ

PA'JARIANG 18:1

Napappicinikangi KalenNa Batara mae ri Abraham ri ampi'na poko'-poko' kayu karama' ri ampi'na tampa' passambayanganga ri Mamre. Anjo alloa teai sipato' bambanna alloa, nasitabangi ammempo-mempo Abraham ri pakke'bu' kemana.

PA'JARIANG 18:17

Nakanamo Batara lalang ri pa'mai'na, “Tena Kuero' anrahasiakangi mae ri Abraham apa eroka Kugaukang.

PA'JARIANG 22:1

Siapa are wattu ribokoanganna Naso'rimi Allata'ala kajarrekanna tappa'na Abraham. Nakio'mi Allata'ala anjo Abraham angkana, “Abraham!” Appialimi Abraham angkana, “Iye' Batara.”

PA'JARIANG 22:11

Mingka akkio'mi malaeka'Na Batara battu ri langika mae ri ia angkana, “Abraham, Abraham!” Appialimi Abraham angkana, “Iye' Batara!”

PA'JARIANG 22:15

Sikalipi pole akkio' malaeka'Na Batara battu ri langika mae ri Abraham, angkana,

PA'JARIANG 31:10

Na ri wattu a'lakina anjo olo'-oloka, asso'nama' nakucini' sikontu bembe laki sitabanga a'laki, a'buriki kalenna, a'batti'-battiki, siagang a'ballangi.

PA'JARIANG 31:13

INakkemi Allata'ala le'baka ampappicinikangi KalengKu ri kau ri Betel. Anjoreng le'ba' mako assare se're batu pangngu'rangi, na nutiriki minynya' mabau' zaitun irateanna. Anjoreng tommako assumpa mae ri Nakke. Kamma-kamma anne sadia mako siagang ammotere' mako ri pa'rasangang kalassukannu.’ ”

PA'JARIANG 31:24

Ri wattunna bangngi battumi Allata'ala mae ri Laban lalang so'na, na Nakana, “Tutuko, tea' laloko garattaki Yakub manna sibuku kana.”

PA'JARIANG 31:5

Nampa nakanamo Yakub ri ke'nanga, “Kuciniki bapa'nu tena nabaji' sangkamma biasa mae ri nakke, mingka Allata'ala nipakala'birika ri manggeku anjagaia'.

PA'JARIANG 37:5

Ri se'reang bangngi asso'nami Yusuf. Na ri wattunna nacarita anjo so'nana mae ri sikamma daenna, pila' birisi'mi ke'nanga mae ri ia.

PA'JARIANG 46:2

Ri se'reang bangngi, lalang se're paccini', Nakanamo Allata'ala ri ia, “Yakub, Yakub!” Appialimi angkana, “Iye', Batara.”

KALAPPASSANG 3:4

Naciniki Batara a'reppese' Musa ri anjo tampaka. Jari ammarrammi battu lalang ri tangnga-tangngana anjo rompoka angkana, “Musa, Musa!” Appialimi Musa angkana, “Niaka' anrinni, Batara!”

YESAYA 58:9

Punna appala' doangko, laKuturukiangko pappala'nu. Punna akkiokko mae ri Nakke, lappialiA' mae ri kau. Tea' mako jallakkangi parannu tau, pammarimi passimusuanga siagang pitinaya.

PAMMILANGNGANG 12:6

na Nakanamo Batara, “Pilangngeri anne kana-kanangKu! Punna nia' battu ri kalase'rennu a'jari na'bi, Kupa'nyatai KalengKu mae ri ia lalang ri paccini'na siagang a'bicarA' siagang ia lalang so'na.

MATIUS 27:19

Ri wattunna ammempo Pilatus anjoreng ri kantoro' pangadelanga nia'mi battu pappasanna bainenna angkana, “Tea' laloko pantama'-tamakki kara-karana antu tau tenaya salana. Nasaba' lanri Iami nakunggappa so'na appakamalla'-malla' dudua, anne alloa.”

1 SAMUEL 3:16

Mingka nikioki ri Eli, na nakana Eli, “Samuel, anakku.” Appialimi Samuel angkana, “Iye' Bapa'.”

1 SAMUEL 3:4

nikio'mi Samuel ri Batara. Nampa appialimi Samuel angkana, “Iye' bapa'!”

1 SAMUEL 3:6

Nampa nikio'mo pole Samuel ri Batara; mingka tanaassengai Samuel angkanaya Batara anjo angkioki, lanri tena le'bakapi a'bicara Batara siagang ia. Jari ambangummi nampa mange ri Eli nakkuta'nang angkana, “Apa kutadeng bapa'? Apa kikiokanga'?” Appialimi Eli angkana, “Tena nakukiokko na'; attinro mako ammotere'.”

1 SAMUEL 3:8

Nikio'mi pole Samuel ri Batara untu' makapintallunna. Jari ambangummi nampa mange ri Eli nakkuta'nang angkana, “Apa kutadeng bapa'? Apa kikiokanga'?” Iaminjo wattua nanaassemmo Eli angkanaya Batara angkioki anjo anaka.