PA'JARIANG 31:1 - KITTA' MATANGKASA'

¹ Nalangngere'mi Yakub akkana kamma anne ana'-ana'na Laban, “Naallemi Yakub sikamma pa'barang-baranganna bapatta. Yangasenna anjo kakalumanynyanganna sangnging barang-barang battu ri bapatta.”

PA'JARIANG 31:1 ပူးပေါင်းရင်းမြစ်များ

PA'JARIANG 30:43

Kammaminjo na'jari sanna'mo kalumanynyanna Yakub. Jai sikalimi bembena, gimbala'na, untana, keledaina, siagang tunisuro-surona.

PA'JARIANG 31:2

Nacini' tommi Yakub angkana tenamo nasangkamma riolo baji'na Laban mae ri kalenna.

PA'JARIANG 31:43

Appialimi Laban angkana, “Anjo ruaya baine, anakku; ana'na ke'nanga inakke pata, siagang anjo pa'rappungang gimbalaka inakke todong pata. Sikontutojenna sikontu apa-apa niaka nucini' anrinni inakke ngaseng pata. Mingka tena apa-apa akkulle kugaukang untu' antahangi cucungku.

PA'JARIANG 45:13

Paumi ri bapatta antekamma lompona koasaku anrinni ri Mesir. Carita ngasemmi mae ri ia sikontu apa le'baka nucini'. Nampa linta' mako angngerangi mae anrinni.”

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

AYUB 31:31

Tau anjamaya ri nakke naassengi, angkana inai-nai kutoana ri ballakku.

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

PAMMUJI 57:4

Appiali battu ri suruga siagang Napasalamaka'; Nabetai sikamma tau anjallakkangia'. LaNapicinikianga' Allata'ala angkanaya tamamminrayai mae ri nakke, siagang tuli mangngamaseangi mae ri nakke.

PANGNGEBARANG 14:30

Pa'mai' sannanga napakabajiki tubua; angngiri mataya sanrapangi garring kamateanga.

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

YESAYA 5:14

Tassungke luaraki bawana kamateanga untu' angnga'luki sikamma pamimpinna Yerusalem siagang ra'ya' sitabanga assua'-suara'.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

YEHEZKIEL 16:44

Nakana Batara, “He Yerusalem, lanapitabaiko taua paruntu' kana angkanaya, ‘Sangkamma amma'na, kamma tomminjo ana' bainena.’

MATIUS 4:8

Nampa nierang pole Isa ri billisika nai' ri moncong tinggi dudua, nampa nipicinikiang sikontu kakaraenganna siagang kakalumanynyanganna linoa mae ri Ia.

1 TIMOTIUS 6:4

yangasenna anjo tau kammaya sangnging tau tampo, mingka tena apa-apa naasseng! Ia garrinna ke'nanga iamintu nangai a'gea'-geaka siagang a'besereka passabakkang bicara appamumbaya sereati, passisa'la-sa'lakkang, pitina, sibata-batai kodia,

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;