PA'JARIANG 30:37 - KITTA' MATANGKASA'

³⁷ Nampa angngalle Yakub tangke-tangke kayu moncong buloa battu ri poko' kayu niarenga hawara', poko' badang siagang poko' berangang, nampa nabi'bi' sipa'gang kuli'na sa'genna a'ballang-ballang.

PA'JARIANG 30:37 ပူးပေါင်းရင်းမြစ်များ

PA'JARIANG 30:36

Nampa a'lampa ke'nanga siagang sikamma olo'-oloka ampakabellai battu ri Yakub, kira-kira tallungallo bellana nijappai. La'binna anjo sikamma bembena siagang gimbala'na Laban niparakai ri Yakub.

PA'JARIANG 30:38

Napadongko'mi anjo tangke-tangke kayua ri dallekanna pa'rappunganna anjo bembea, ilalang ri tampa' pangnginunganna, lanri nangai anjo olo'-oloka a'laki ri wattu ero'na angnginung.

KATO'BA 12:5

Mallakko angngambi' ri tampa' tinggia na musti tutuko a'jappa. Uu'nu kebo'mi napakamma uang na nure'resang bangkennu punna a'jappako. Na tappela' ngasemmo sikamma ero'nu siagang cinnanu. A'lampa mangeki' ri tampa' pammantangngang kala'busanta, susa ngasengi taua siagang nakarrukiki' ri aganga.

YEREMIA 1:11

Akkuta'nangi Batara ri nakke angkana, “Apa nucini' Yeremia?” Appialia' angkana, “Tangke kayu badang, Batara.”

YEHEZKIEL 31:8

Poko'-poko' camara ri Eden, kokonNa Allata'ala takkulleai nipasangkamma siagang ia. Tena camara akkulle ambetai, tena poko' kayu la'bu kamma tangkenna. Tojeng, ri kokonNa Allata'ala tena poko' kayu sangkamma ia ga'gana.