PA'JARIANG 30:32 - KITTA' MATANGKASA'

³² Kikellaia' anne alloa a'jappa ri tangnga-tangngana sikontu bembeta siagang gimbalatta, siagang kualle sikamma ana' gimbala' le'lenga bulunna, kammayatompa sikamma bembe rungka a'ballanga yareka a'batti'-battika. Iaji anjo bawang pa'balasa' kukaerokia.

PA'JARIANG 30:32 ပူးပေါင်းရင်းမြစ်များ

PA'JARIANG 30:31

Nakanamo Laban, “Jari apa musti kupassareang mae ri kau?” Appialimi Yakub angkana, “Tea' maki' sareia' apa-apa purina. Tuli lakuparakaina olo'-olotta purina, assala' kisitujui anne pappalakku:

PA'JARIANG 30:33

Ri allo ri boko akkullei kiasseng angkanaya apaka lambusukka' lalang ri jama-jamangku. Punna battuki' untu' amparessai sawalakku, nampa nia' kicini' bembe tena na'batti' yareka tena na'ballang, yareka gimbala' tenaya nale'leng, akkullemi kiasseng purina, angkanaya anjo olo'-oloka apa kulukka'.”

PA'JARIANG 30:35

Mingka anjo alloa nasa'la'mi Laban sikontu bembe laki a'battika yareka a'ballanga, kammayatompa sikontu bembe gana a'ballanga, a'batti'-battika, yareka ia niaka ra'masa'na kebo'na. Nasa'la' tommi sikontu gimbala' le'lenga bulunna. Nampa nasuro ana'-ana'na angngurusuki sikamma anjo olo'-oloka.

PA'JARIANG 31:10

Na ri wattu a'lakina anjo olo'-oloka, asso'nama' nakucini' sikontu bembe laki sitabanga a'laki, a'buriki kalenna, a'batti'-battiki, siagang a'ballangi.

PA'JARIANG 31:8

Ri wattunna nakana bapa'nu, ‘Bembe a'batti'-battika la'jari sawala'nu,’ sikamma bembea allassukammi ana' a'batti'-batti'. Ri wattunna nakana, ‘Bembe a'ballanga la'jari sawala'nu,’ yangasenna anjo bembea allassukammi ana' a'ballang.