PA'JARIANG 30:25 - KITTA' MATANGKASA'

²⁵ Le'ba'na nalassukang Rahel anjo Yusuf, nakanamo Yakub ri Laban, “Kellaima' a'lampa ammotere' mange ri pa'rasangangku.

PA'JARIANG 30:25 ပူးပေါင်းရင်းမြစ်များ

PA'JARIANG 18:33

Le'baki a'bicara Batara siagang Abraham, a'lampami Batara, nampa ammotere' tommo Abraham mae ri balla'na.

PA'JARIANG 24:54

Le'baki anjo angnganremi siagang angnginummi anjo surona Abraham siagang sikamma taunna, nampa a'bangngi anjoreng. Ambangunna ke'nanga ammukona bari'basa', nakanamo anjo suroa, “Boli'ma' appala' kana nakummotere' mange ri karaengku.”

PA'JARIANG 24:56

Mingka nakanamo anjo suroa, “Teaki' tahangia'. Batara antulunga' nakkulle anjari baji' anne pa'jappangku; boli'ma' kamma nakuammotere'mo mae ri karaengku.”

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 31:13

INakkemi Allata'ala le'baka ampappicinikangi KalengKu ri kau ri Betel. Anjoreng le'ba' mako assare se're batu pangngu'rangi, na nutiriki minynya' mabau' zaitun irateanna. Anjoreng tommako assumpa mae ri Nakke. Kamma-kamma anne sadia mako siagang ammotere' mako ri pa'rasangang kalassukannu.’ ”

PA'JARIANG 31:55

Ammukona bari'basa', lassibokoinna ke'nanga, nabaumi Laban cucunna, nabarakkaki ke'nanga, nampa ammotere' mange ri tampa' pammantanganna.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.