PA'JARIANG 30:20 - KITTA' MATANGKASA'

²⁰ Nakanamo, “Nasarema' Allata'ala hadia sannaka ga'gana. Kamma-kamma anne lanabilang lompoma' bura'nengku, lanri allassukanga' annang ana' bura'ne.” Lanri kammana naaremmi anjo anaka Zebulon.

PA'JARIANG 30:20 ပူးပေါင်းရင်းမြစ်များ

PA'JARIANG 29:34

Attianammi pole Lea nampa allassukang sitau ana' bura'ne. Nakanamo, “Kamma-kamma anne pila' latassikko'mi bura'nengku ri nakke, lanri tallumi ana' bura'ne kulassukang.” Nampa naaremmo anjo anaka Lewi.

PA'JARIANG 30:15

Appialimi Lea angkana, “Tanggannakapika nuallena bura'nengku? Kamma-kamma anne ba'lalo erokko pole angngallei ruku' pa'balle nagappaya anakku.” Nakanamo Rahel, “Punna nusarea' anjo ruku' pa'ballena ana'nu, akkulleko sikatinroang siagang Yakub anne bangngia.”

PA'JARIANG 30:19

Attianammi pole Lea nampa nalassukang ana'na makaannanga.

PA'JARIANG 30:21

Le'baki anjo allassukammi Lea sitau ana' baine naarenga Dina.

PA'JARIANG 34:12

Kipau mami hadia apa kikaeroki, siagang kitantukammi siapa bulaeng sunranna. Lakusareki' apa kipalaka, assala' kikellaija' a'bunting siagang anjo tuloloa.”

PA'JARIANG 35:23

Ia ana' battua ri Lea iamintu Ruben (ana' bungasa'na Yakub), Simeon, Lewi, Yehuda, Isakhar, siagang Zebulon.

PA'JARIANG 46:14

Zebulon; naia ana'-ana'na Zebulon iamintu: Sered, Elon, siagang Yahleel.

PA'JARIANG 49:13

Zebulon lammantang ri ampi' tamparang; lalabui sikamma kappalaka ri biring tamparanna; sa'genna Sidon pa'baeng-baeng daerana.

PAMMUJI 68:27

“Pujimi Allata'ala ri tangnga-tangngana pa'rappunganna umma'Na, pujimi Batara, he sikontu turunganna Yakub!”

KALAPPASSANG 22:17

Mingka punna tena nikellai anjo bura'nea ri manggena anjo bainea a'bunting siagang ana'na, anjo bura'nea musti a'bayaraki mae ri manggena anjo bainea doe' pa'buntingang; ia jaina sinjai biasaya nipanai' punna nipala' se'rea tau lolo.

MATIUS 4:13

Nabokoimi Nazaret, nampa mange ammantang ri Kapernaum, ri birinna Tamparang Galilea, ri daera Zebulon siagang Naftali.

PAOLE 27:13

Ri wattunna nipau kana pattunraya, suku Ruben, Gad, Asyer, Zebulon, Dan siagang Naftali, musti ammentengi irate ri Moncong Ebal.

HAKING-HAKING 4:10

Anjo wattua nia' 10.000 tau amminawang ri Barak siagang Debora.

HAKING-HAKING 5:14

Battu ri Efraim a'jappa ke'nanga nanaung parang lappara' amminawang ri tantara Benyamin a'barrisika ri dallekanna ke'nanga. Nia'mi sikamma panglimana, battu ri Makhir nammentemmo sikamma perwiraya battu ri Zebulon.

1 SAMUEL 18:25

Nampa nasuromo Saul ke'nanga akkana kamma anne ri Daud, “Nakaerokia karaeng untu' a'jari sunrang poro 100 bawang bi'bi' ulunna tu Filistin, a'jari pa'balasa' mange ri musunna karaenga.” (Kammaminne carana Saul angngusahakangi sollanna nibuno Daud ri tu Filistin.)