PA'JARIANG 30:2 - KITTA' MATANGKASA'

² Larromi Yakub ri Rahel na nakana, “Inakke anne teaiya' Allata'ala. Iami ampa'jariko tanggappaya ana'.”

PA'JARIANG 30:2 ပူးပေါင်းရင်းမြစ်များ

PA'JARIANG 16:2

Nakanamo Sarai ri Abram, “Tena pangngellaiNa Batara ri nakke untu' allassukang ana'. Lanri kammana anjo, bajikangngang sikatinroammako anne atangku. Barang akkullei allassukang ana' untu' inakke.” Naturukimi Abram anjo pappala'na Sarai.

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

PA'JARIANG 29:31

Nacini'na Batara angkana tena ningai dudui Lea sangkamma Rahel, nisaremi pangngellai sa'genna ammana' Lea, mingka Rahel tuli tenana ana'na.

PA'JARIANG 31:36

Jari larromi Yakub, nanakana, “Kaja'dallang apa le'ba' kugaukang? Apa salangku sa'gengku kiondang kamma' anne purina?

PA'JARIANG 50:19

Mingka nakanamo Yusuf ri ke'nanga, “Teako mallakki; nasaba' tena kukkulle a'gau' kamma Allata'ala.

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

KALAPPASSANG 32:19

A'reppese'namo Musa mae ri anjo pakkemaanga, nacini'mi anjo sapi bulaenga siagang tau sitabanga a'joge'-joge'; sanna'mi larrona. Anjoreng memanji, iamintu ri bangkenna anjo monconga, napatappasa' anjo batu naeranga sa'genna ancuru' tassimbung-simbung.

MATIUS 5:22

Mingka anne kamma Kukana ri kau ngaseng, inai-nai larro ri paranna tau, laniadeli sallang; siagang inai-nai ampali'boi paranna tau musti niadeli ri dallekanna Pangadelang Agamaya. Siagang inai-nai ampakkanai paranna tau, ‘Tolo,’ siratangi nipela' antama' ri pepe'na narakaya.

MARKUS 3:5

A'jari larromi Isa, na'la'bang Naciniki ngaseng tau niaka ri tammuliliNa. Mingka si'na tommi pa'mai'Na lanri kapala batuna ngaseng ke'nanga. Nampa Nakana ri anjo taua, “Pajonjoi limannu.” Napajonjomi limanna anjo taua, na'jari baji'mo.

LUKAS 1:42

a'gorami Elisabet nakana, “Ikaumi baine kaminang nibarakkakia ri sikontu bai'-bainea! Poro nibarakkakimi anjo ana' lanulassukanga!

EFESUS 4:26

Punna larroko, teako pa'biangi anjo larroa a'jari passabakkang nudoraka. Teako larroi sikabusu' allo.

1 SAMUEL 1:5

Mingka Hana sipa'ganji bawang nasareangi, nasaba' tena nisarei ana' ri Batara. Mingka manna nakamma, sanna' nangaina Elkana anjo Hana.