PA'JARIANG 30:15 - KITTA' MATANGKASA'

¹⁵ Appialimi Lea angkana, “Tanggannakapika nuallena bura'nengku? Kamma-kamma anne ba'lalo erokko pole angngallei ruku' pa'balle nagappaya anakku.” Nakanamo Rahel, “Punna nusarea' anjo ruku' pa'ballena ana'nu, akkulleko sikatinroang siagang Yakub anne bangngia.”

PA'JARIANG 30:15 ပူးပေါင်းရင်းမြစ်များ

PA'JARIANG 30:14

Ri wattu pakkattoang gandung, a'lampai Ruben mae ri paranga, nanggappamo sirupa ruku' akkullea nipare' pa'balle, nampa naerammo anjo mae ri amma'na, Lea. Nakanamo Rahel ri Lea, “Sare tonga' sike'de' anjo ruku' pa'balle nagappaya ana'nu.”

PA'JARIANG 30:16

Ammotere'na Yakub ri balla' anjo karuenga, niruppaimi ri Lea na nakana, “Inakke nuagang assikatinroang anne bangngia, lanri le'ba'mi kubayara' anjo siagang ruku' pa'ballena anakku.” Jari assikatinroammi Yakub siagang ia anjo bangngia.

YESAYA 7:13

Nampa nakanamo Na'bi Yesaya, “Punna kamma, pilangngeri he turunganna Daud! Tenaka nangganna' le'ba'na nuso'ri kasa'barranna rupataua, sa'genna nuso'ri todong kasa'barranNa Allata'alaku?

YEHEZKIEL 16:47

Sanggami pakkasia'nu ampinawangi ke'nanga siagang ampalembai anjo panggaukang appakaringi'-ringi'na ke'nanga? Tenapa! Tasalloami nula'bi panrakkangngang pole nake'nanga.

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

1 KORINTUS 4:3

Untu' inakke, tena nanjari apa-apa angkanaya antekamma panggappanu – yareka panggappana tau maraenga – mae ri kalengku. Ba'lalo manna inakke tena todong naparallu angkanaya antekamma panggappaku mae ri kalengku todong.