PA'JARIANG 3:20 - KITTA' MATANGKASA'

²⁰ Naarengi Adam anjo bainenna Hawa, lanri anjo bainea a'jari anronna sikontu rupataua.

PA'JARIANG 3:20 ပူးပေါင်းရင်းမြစ်များ

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 2:20

Kammaminjo nanasaremo areng taua anjo sikontu olo'-olo' niaka ri tompo'na buttaya siagang ri allaka. Mingka tena manna se're kalase'renna yangasenna anjo akkulle a'jari agang cocoka mae ri ia siagang akkullea ambantui.

PA'JARIANG 2:23

Nakanamo anjo taua, “Iaminne tau sangkammangku, buku battu ri bukungku, siagang dageng battu ri dagengku. Kuarengi baine, lanri battu ri bura'nei nialle.”

PA'JARIANG 3:21

Jari appare'mi Karaeng Allata'ala pakeang battu ri kukkulu' olo'-olo' untu' a'jari pakeanna Adam siagang bainenna. Nampa Napipakeimo ke'nanga.

PA'JARIANG 35:18

Mingka a'birimmi narapi' a'jala'na Rahel. Na ri wattu ero'namo tappu nyawana, naaremmi anjo anaka Ben-Oni, mingka niarengi ri manggena Benyamin.

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

KALAPPASSANG 2:10

Ri wattunna lompo-lompomo anjo anaka, nipassareammi ri amma'na mae ri ana' bainena karaenga. Nampa nipa'jarimo anjo anaka ana' angka'na ana' bainena karaenga. Nakanamo anjo ana' bainena karaenga, “Kusarei areng anne anaka Musa, lanri kuallei battu ri je'neka.”

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

1 TIMOTIUS 2:13

Nasaba' ia uru-uru nipa'jaria ri Allata'ala iamintu Adam nanampa Hawa.

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”