PA'JARIANG 3:14 - KITTA' MATANGKASA'

¹⁴ Le'baki anjo Nakanamo Karaeng Allata'ala mae ri ularaka, “Lanihukkungko lanri anjo panggaukannu. Battu ri sikontua olo'-olo' ikauji bawang musti antanggongi anne hukkunganga, iamintu: Appakkaramula ri kamma-kammaya anne lassossorokko siagang battannu a'jappa, siagang langnganreko limbu'bu lalang sikontu tallasa'nu.

PA'JARIANG 3:14 ပူးပေါင်းရင်းမြစ်များ

PA'JARIANG 3:1

Ia ularaka iami kaminang cara'de' ri sikontu olo'-olo' Napareka Karaeng Allata'ala. Akkuta'nangi anjo ularaka mae ri anjo bainea angkana, “Apaka ma'nassa tena tojeng Nakellaiko Allata'ala angkanrei anne sikontu rappo-rappo niaka ri kokoa?”

PA'JARIANG 4:11

Nataba mako pattunra sa'genna takkulleamo nuusahai buttaya. Allammasa'mi cera'na ri anjo buttaya, sanrapang angkanaya nasungkemi bawana untu' antarimai cera'na andi'nu ri wattunna nubuno.

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

PAMMUJI 72:9

Pandudu' parang lompoa latunduki mae ri ia na su'ju' musua ri dallekang bangkenna.

YESAYA 29:4

Rapangi kokoci' sallang Yerusalem, eroka ampappilangngerangi sa'ra ca'dina battu lalang ri buttaya, battu ri limbu'buka.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

KAIMANGNGANG 20:25

Lanri kammana anjo musti nuasseng bajiki nubatei angkanaya kereanga olo'-olo' haranga siagang tenaya naharang. Teako angnganrei olo'-olo' harang. Anjo olo'-olo' kammaya le'ba'mi Kupattantu angkanaya harangi, jari punna nukanrei ikau kalennu a'jari ra'masa'.

MIKHA 7:17

Lakkaloloki ke'nanga ri buttaya rapang ulara'. Mallaki siagang annekkereki ke'nanga lassulu' battu ri pattahanganna ke'nanga, nampa battu mae ri Katte, o Karaeng Allata'alana ikambe.