PA'JARIANG 29:32 - KITTA' MATANGKASA'

³² Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 29:32 ပူးပေါင်းရင်းမြစ်များ

PA'JARIANG 16:11

Tasalloami nulallassukang ana' bura'ne; arengi sallang Ismael anjo anaka, nasaba' Nalangngere'namo Batara karru'nu.

PA'JARIANG 29:31

Nacini'na Batara angkana tena ningai dudui Lea sangkamma Rahel, nisaremi pangngellai sa'genna ammana' Lea, mingka Rahel tuli tenana ana'na.

PA'JARIANG 31:42

Ebara' angkana tena Najagaia' Allata'alana boeku, iamintu Allata'ala napakalompoa Abraham siagang Ishak, ma'nassa salloma' le'ba' kisuro a'lampa tanggappaya apa-apa. Mingka Naparhatikangi Allata'ala kasusaangku siagang jama-jamang le'baka kugaukang, nampa ri bangngia le'ba'mi Napassareang apa Napattantua.”

PA'JARIANG 35:22

Lalang nia'na ke'nanga ri anjo tampaka, assikatinroammi Bilha siagang Ruben, anjo baine piarana manggena. Anne passalaka nalangngereki Yakub, siagang sanna'mi larrona napakamma. Nia' sampulo anrua ana' bura'nena Yakub.

PA'JARIANG 35:23

Ia ana' battua ri Lea iamintu Ruben (ana' bungasa'na Yakub), Simeon, Lewi, Yehuda, Isakhar, siagang Zebulon.

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

PA'JARIANG 42:22

Nakanamo Ruben, “Sai kukana memang riolo ri kau ngaseng angkana teako apa-apai anjo anaka. Mingka tea ngasengko appilangngeri. Nakamma-kamma anne nibalasa'mi mae ri katte kamateanna.”

PA'JARIANG 42:27

Ri tampa' pa'bangngianna ke'nanga, nia'mo kalase'renna ke'nanga ansungkei karung gandunna, lanri ero'na nasare kanre keledaina. Nabuntulu'mi anjo doeka irateanna anjo gandunga.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

1 PATTOTTORANG 5:1

Ruben iami ana' kaminang toana Yakub. Mingka lanri le'ba'na nagau' sala kalase'renna baine maraenna manggena, sa'genna niallemi anjo ha'na salaku ana' kaminang toa nampa nipassareang mae ri Yusuf. Mingka manna nakamma, ia kaminang kassaka battua ri turunganna Yakub teai suku Yusuf, passangalinna suku Yehuda. Ba'lalo ia uru-uru a'jaria karaeng mae ri sikontu umma' Israel iamintu tubattua ri anjo suku Yehuda.

PAMMUJI 106:44

Mingka Napilangngeri Batara pakkio'na ke'nanga, Naparhatikangi kasusaanna ke'nanga.

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

PAMMILANGNGANG 1:5

Iaminne areng-arenna tunipilea battu ri ummaka untu' ambantui Musa siagang Harun siagang a'jari pamimpinga mae ri massing-massing sukua: Suku Pamimping Ruben Elizur ana'na Syedeur Simeon Selumiel ana'na Zurisyadai Yehuda Nahason ana'na Aminadab Isakhar Netaneel ana'na Zuar Zebulon Eliab ana'na Helon Efraim Elisama ana'na Amihud Manasye Gamaliel ana'na Pedazur Benyamin Abidan ana'na Gideoni Dan Ahiezer ana'na Amisyadai Asyer Pagiel ana'na Okhran Gad Elyasaf ana'na Rehuel Naftali Ahira ana'na Enan

LUKAS 1:25

Nakanamo Elisabet, “Kale'bakkanna Natulumma' Batara siagang Natongkokamma' sirikku.”

PAOLE 26:7

Nampa akkio'mo ikambe appala' tulung mae ri Katte, Batara, Allata'alana boe-boena ikambe. Kipilangngeri pakkio'na ikambe siagang Kiparhatikammi kasessanna ikambe.

PAOLE 27:13

Ri wattunna nipau kana pattunraya, suku Ruben, Gad, Asyer, Zebulon, Dan siagang Naftali, musti ammentengi irate ri Moncong Ebal.

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 1:20

Tianammi anjo bainea, nallassukang sitau ana' bura'ne. Naaremmi Samuel anjo anaka, na nakana, “Le'ba'mi kupala' battu ri Batara.”