PA'JARIANG 29:25 - KITTA' MATANGKASA'

²⁵ Nampami ammukona bari'basa' nanaasseng Yakub angkanaya Lea anjo nabuntingia. Mangemi Yakub ri Laban na nakana, “Angngapa nakipakamma' anjo purina? Sai anjama' untu' ikatte sollanna kugappa Rahel? Angngapa kiballe-balleia?”

PA'JARIANG 29:25 ပူးပေါင်းရင်းမြစ်များ

PA'JARIANG 12:18

Jari nakio'mi karaenga Abram nampa nakuta'nang angkana, “Apa anne nugaukang mae ri nakke? Angngapa natena nupauanga' angkanaya bainennu anjo?

PA'JARIANG 20:9

Le'baki anjo nakio'mi Abimelekh anjo Abraham nampa nakuta'nang angkana, “Apa anne le'baka nugaukang mae ri kambe? Apa salangku mae ri kau, sa'genna nupamae anne balaya ri kalengku siagang ri kakaraengangku? Tena sikali nusiratang la'gau' kamma anjo mae ri nakke.

PA'JARIANG 26:10

Nakanamo Abimelekh, “Apa anne le'baka nugaukang mae ri kambe? Tena tania'na kalase'renna ra'yakku akkulle sikatinroang siagang bainennu punna kamma. Na punna kajariang anjo kammaya, ikaumi nakatu'guri anne kasalanna ikambe.”

PA'JARIANG 29:16

Anjo Laban nia' rua ana'na baine; toaya niarengi Lea, na andi'na niarengi Rahel.

PA'JARIANG 29:24

Napassareammi Laban surona niarenga Zilpa mae ri Lea, untu' a'jari surona.)

PA'JARIANG 29:26

Appialimi Laban angkana, “Turu' atoranga anrinni, takkulleai andika rioloangngang a'bunting na daenna.

PA'JARIANG 31:26

Le'baki anjo nakanamo Laban ri Yakub, “Angngapa nuakkallia' siagang nulariang ana'-anakku, sanrapang tau nitahanga?

PA'JARIANG 31:7

Mingka manna nakamma kammaji naballe-balleiku siagang napinrai sa'genna pissampulo gajiku. Mingka tena nilappassangi ri Allata'ala a'gau' ja'dala' mae ri nakke.

PANGNGEBARANG 11:31

Punna lannarima todong pa'balasa' tau bajika ri anne linoa, mattantumi langgappana hukkungang tau ja'dalaka siagang tau dorakaya.

MATIUS 7:12

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

1 KORINTUS 3:13

Sikontu apa-apa le'baka najama taua, massing lakacinikangi sallang punna battu poleang Almasi. Nasaba' pepe' sallang lampa'nassa ngasengi apa-apa massing le'baka nagaukang rupataua. Pepe' lanipake angnguji siagang ampattantui baji'-kodina anjo jama-jamanga.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.

RUT 4:11

Sikamma tutoa-toana masarakaka siagang tumaraengannaya ia hadereka anjoreng massing angkanami, “Iyo, ikambemi sa'bina. Tapporo nipa'jari anjo bainennu ri Batara sangkamma Rakhel siagang Lea, allassukanga jai ana' untu' Yakub. Tapporo kalumanynyangko ri tangnga-tangngana tau battua ri bijanna Efrata, siagang tapporo alla'bangko niasseng ri Betlehem.

1 SAMUEL 28:12

Ri wattunna nacini' anjo bainea Samuel, ammarrammi siagang nakanamo ri Saul, “Angngapa nakitipu atanta? Ikattemi padeng Karaeng Saul!”