PA'JARIANG 29:20 - KITTA' MATANGKASA'

²⁰ Jari anjamami Yakub tuju taung sallona untu' anggappai Rahel. Nallallomo anjo taung-taunga sanrapang pirangalloji bawang ri pakkasia'na Yakub lanri sanna' mangngaina ri anjo tuloloa.

PA'JARIANG 29:20 ပူးပေါင်းရင်းမြစ်များ

PA'JARIANG 24:67

Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

PA'JARIANG 29:19

Nakanamo Laban, “Bajikangngangi punna kupassareangi mae ri kau kala kupassareanga mae ri tau maraenga. Jari ammantang mako anrinni.”

PA'JARIANG 29:27

Tayammi sa'genna le'ba' tuju allo passua'-suarrang pa'buntinganga, nampa kupassareang todong Rahel mae ri kau, assala' ero' jako anjama pole tuju taung sallona.”

PA'JARIANG 29:30

Assikatinroang tommi Yakub siagang Rahel. Nala'bi nangaiangngang Rahel na Lea. Nampa anjamamo pole tuju taung sallona.

PA'JARIANG 30:26

Kellaima' a'lampa nakuerang ruaya bainengku siagang sikamma anakku. Kugappami ke'nanga lanri anjamaku ri katte purina. Kiassengi purina angkana le'ba'ma' anjama terasa' sikali.”

PA'JARIANG 31:15

Ikambe anne napare' sangkamma maki' tumaraeng. Ikambe anne le'ba' maki' nabalukang, siagang anjo ballinna natarimaya le'ba' tommi napaccappu'.

PA'JARIANG 34:19

Sadiami Sikhem untu' anggaukangi anjo pappala'na ke'nanga lanri ero'na ri Dina. Ri sikontuna kaluargana, iaminjo Sikhem kaminang nipilangngeri kananna.

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

1 KORINTUS 13:7

Attahangi andallekangi sikontu apa-apaya, siagang tappaki mae ri apa-apa kaminang bajika lalang ri kalenna tasse're-se'rea tau; manna pole antekamma takkulleai tappu' panrannuang siagang sa'baraki antayangi sikontu apa-apa nitayanga.

2 KORINTUS 5:14

PangngamaseanNami Almasi makoasa mae ri kambe; nanaassemmo ikambe angkanaya punna matemo tau se'rea untu' kaparalluanna sikontu rupataua, anjo battuanna angkanaya mate ngasemmi sikontu rupataua.

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

1 SAMUEL 18:23

Mingka napabattuna ke'nanga anjo pikkiranga mae ri Daud, appialimi Daud angkana, “Nukana gampangi nikanaya a'jari mintunna karaenga? Sai inakke anne tu kasi-asia' siagang tau tena anggarangku!”