PA'JARIANG 29:17 - KITTA' MATANGKASA'

¹⁷ Anjo Lea ga'gai matanna, na Rahel bajiki kalenna siagang ga'gai tanja'na.

PA'JARIANG 29:17 ပူးပေါင်းရင်းမြစ်များ

PA'JARIANG 12:11

Ri wattu ero'na allalo ri pa'baeng-baenga naero' antama' ri pa'rasangang Mesir, nakanamo ri bainenna, “Kau ga'ga sikaliko.

PA'JARIANG 12:14

Na kamma tojenna, ri wattunna nalalomo Abram pa'baeng-baenga siagang battu mange ri butta Mesir, nacini'mi tu Mesir anjo Sarai ga'ga sikali.

PA'JARIANG 26:7

Ri wattunna akkuta'nang taua anjoreng ri passala'na Ribka, appialimi Ishak angkanaya andi'na anjo Ribka, teai bainenna. Mallaki Ishak angkanaya lanibunoi ri yangaseng anjo taua sollanna akkulle naalle anjo Ribka sannaka ga'gana.

PA'JARIANG 29:16

Anjo Laban nia' rua ana'na baine; toaya niarengi Lea, na andi'na niarengi Rahel.

PA'JARIANG 29:18

Yakub tu'guru'mi pangngainna mae ri Rahel. Jari appialimi ri Laban angkana, “Erokka' anjama ri katte tuju taung sallona purina, punna kikellaia' a'bunting siagang Rahel.”

PA'JARIANG 29:30

Assikatinroang tommi Yakub siagang Rahel. Nala'bi nangaiangngang Rahel na Lea. Nampa anjamamo pole tuju taung sallona.

PA'JARIANG 30:22

Nampa Nau'rangimo Allata'ala Rahel. Naturukiammi pappala' doanna siagang nasaremi pangngellai untu' allassukang ana'.

PA'JARIANG 35:24

Ana'-ana' battua ri Rahel iamintu Yusuf siagang Benyamin.

PA'JARIANG 39:6

Sikontu apa-apa napatanga Potifar napappirannuang ngasengi mange ri Yusuf. Kammaminjo natenamo napangngassengi Potifar sikamma urusanga lalang balla'na, pantaranganna nikanaya apa nakanrea. Anjo Yusuf sanna' gammara'na siagang sanna' ga'gana.

PA'JARIANG 48:7

Anne kugaukangi kammaya, untu' Rahel amma'nu. Lalang ri pa'jappangku ammotere' battu ri Mesopotamia, matemi amma'nu ri butta Kanaan, tena nabella battu ri Efrata, nasanna' si'nana pa'maikku. Kutarawangi anjoreng, ri biring agang mangea ri Efrata.” (Kamma-kamma anne Efrata niaremmi Betlehem.)

PANGNGEBARANG 31:30

Tanja' ga'gaya takkulleai nipatappa', siagang kaga'ganga lalanynyaki; mingka baine mappilangngeria ri Batara siratangi anggappa pammuji.

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

MATIUS 2:18

“Nia' sa'ra karru' kalangngerang ri Rama Kunrareng siagang piraung Rahel angkarruki ana'-ana'na; na taeroka nisaleori lanri taena ngasemmi ana'na.”

1 SAMUEL 10:2

Punna nubokoima' anne alloa, lasibuntulukko siagang rua tu bura'ne ri ampi'na jera'na Rahel ri Zelzah ri daera Benyamin. Lanakana ke'nanga ri kau: Anjo keledai-keledai nuboyaya nibuntulu'mi. Kamma-kamma anne tenamo nalussa' manggenu ri passala'na anjo olo'-oloka, mingka tuli ia mami napakkuta'nangngang angkanaya apamo musti nagaukang untu' amboyako.”