PA'JARIANG 27:43 - KITTA' MATANGKASA'

⁴³ Jari gaukangi anne kanangku. A'lampako linta' mange ri daengku Laban ri Haran,

PA'JARIANG 27:43 ပူးပေါင်းရင်းမြစ်များ

PA'JARIANG 11:31

A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.

PA'JARIANG 24:29

Anjo Ribka nia' sitau daenna bura'ne niarenga Laban. Nalangngereki anjo caritana andi'na ri passala'na anjo apa napaua anjo suroa. Nacini' tommi anjo anting-anting niaka ri ka'murunna siagang ponto niaka ri limanna anjo andi'na. Jari larimi Laban assulu' battu ri balla' untu' anruppai anjo surona Abraham, ia niaka ija ammenteng siagang untana ngaseng ri ampi'na bungunga.

PA'JARIANG 25:20

Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 27:13

Appialimi amma'na angkana, “Teako batai, na'. Inakkepa antanggongi pattunrana. Gaukang mami kanangku. A'lampamako angngallei anjo bembea.”

PA'JARIANG 27:42

Nalangngere'na Ribka anjo rancanana Esau, nakio'mi Yakub nampa nakana ri ia, “Pilangngeri anne. Eroki daennu Esau ampa'balassiko siagang erokko nabuno.

PA'JARIANG 27:8

Nakanamo pole Ribka, “Jari kamma anne na', pilangngeri siagang gaukangi anne kanangku.

PA'JARIANG 28:10

Nabokoimi Yakub Bersyeba nampa a'lampa mange ri Haran.

PA'JARIANG 28:5

Kammaminjo nanalappassammo Ishak anjo Yakub a'lampa mange ri Mesopotamia, mange ri Laban, ana'na Betuel anjo tu Aram. Anjo Laban iamintu daenna Ribka, amma'na Yakub siagang Esau.

PA'JARIANG 28:7

Pantaranganna anjo naasseng tommi angkanaya naturuki Yakub kananna manggena siagang amma'na, siagang a'lampami mange ri Mesopotamia.

PA'JARIANG 35:1

Ri se'reang allo Nakanamo Allata'ala ri Yakub, “INakkemi Allata'ala le'baka ampappicinikangi KalengKu mae ri kau ri wattunnu lari battu ri daennu Esau. A'lampamako mange ri Betel. Ammantang mako anjoreng, siagang ambangung mako tampa' pakkoro'bangngang untu' iNakke.”

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

YEREMIA 35:14

Yonadab napisangkai jari-jarina angnginung anggoro', nampa mannuruki ke'nanga ri anjo pappisangkana. Sa'genna anne alloa tena manna sitau battu ri ke'nanga angnginung anggoro'. Mingka iNakke, tena ammariKu a'bicara mae ri kau, mingka taerokako mappilangngeri ri Nakke.

LAMPA-LAMPANA 5:29

Appialimi Petrus siagang agang-aganna, angkana, “Musti ero'Na Allata'ala naturuki ikambe, teai ero'na rupataua.