PA'JARIANG 27:38 - KITTA' MATANGKASA'

³⁸ Tenamo ammarina Esau appala' ri manggena. Nakana, “Apaka se'reji bawang barakkatta? Barakkaki tonga' Bapa'!” Nampa appakkaramulamo angngarru' pole.

PA'JARIANG 27:38 ပူးပေါင်းရင်းမြစ်များ

PA'JARIANG 27:34

Nalangngere'na Esau anjo, angngarru' lompomi, nateai sipato' pa'risi'na nyawana. Nampa nakanamo, “Barakkaki tonga', Bapa'!”

PA'JARIANG 27:36

Nakanamo Esau, “Iaminne makapinruangku naballe-ballei. Siratangi niareng Yakub. Naallemi ha' ana' bungasakku, nampa kamma-kamma anne naalle tommi barakka' lamangea ri nakke. Apaka tenamo barakkatta maraeng Bapa'?”

PA'JARIANG 49:28

Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

YESAYA 65:14

Sikontutojenna lakkio' rannui ke'nanga, mingka ikau angngarrukko napakamma si'na.

IBRANI 12:17

Nanuassemmo angkanaya ribokoanganna anjo, eroki Esau anggappa barakka' battu ri manggena, mingka tanisareai. Nasaba' manna pole angngarru'-arruki appala' lanapakabaji' anjo kasalanna, mingka tenamo kasampatang.

1 SAMUEL 11:4

Kammaminjo nabattumo anjo sikamma tunisuroa mange ri Gibea, tampa' pammantanganna Saul. Napabattuna ke'nanga anjo kabaraka, angngarru'mi ra'yaka lanri tappu' panrannuammi ke'nanga.