PA'JARIANG 27:28 - KITTA' MATANGKASA'

²⁸ Poro Nasareko Allata'ala saliu' battu ri langi', nampa napa'jari coppong sikamma kokonnu! Poro Nasareko gandung siagang anggoro' alla'bi-la'bi!

PA'JARIANG 27:28 ပူးပေါင်းရင်းမြစ်များ

PA'JARIANG 27:37

Appialimi Ishak angkana, “Le'ba'mi kupa'jari anjo andi'nu a'jari karaennu, siagang sikamma bija pammanakannu la'jari ngasengi suro-surona. Le'ba'mi kusare gandung siagang anggoro'. Kamma-kamma anne tena sikalimo apa-apa akkulle kugaukang untu' ikau, Na'!”

PA'JARIANG 27:39

Nampa nakanamo Ishak ri ia, “Talaniakka saliu' battu ri langi' untu' ikau, tena niakka koko lacoppong untu' ikau.

PA'JARIANG 45:18

untu' mange angngallei manggena siagang kaluargana ke'nanga nampa a'lette' mae anrinni. Lakusarei ke'nanga tampa' kaminang bajika ri Mesir, sollanna akkulle ke'nanga attallasa' siagang ganna' battu ri wassele'na anjo buttaya.

PA'JARIANG 49:20

Asyer, lalla'bi kanre baji'nu. Kau lassadiakangi kanrena sikamma karaenga.

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

2 SAMUEL 1:21

He, bulu'-bulu'na Gilboa, pilangngeri pakkiokku: Gassingka nabasaiko saliuka siagang bosia! Lappassangi kalotoro' naroso' kokonnu siagang parannu. Nasaba' anjorengi tassambila pa'lapa' pa'bundukanna tu baranaia. Na taiang tommo pa'lapa' pa'bundukanna Saul, tenamo naniminyaki pole.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 5:11

Na untu' assarei kanre sikamma bone balla' kakaraenganna Hiram, taung-taungi nisare Hiram ri Salomo 322.500 kilo gandung, 4.400 litere' minynya' zaitun asli.

2 PATTOTTORANG 2:10

Untu' bokonna ngaseng anjo taunta lakukiringanki' ruang rupa gandung, massing-massing 2.000 tong sirupa, je'ne' anggoro' 400.000 litere' siagang minynya' zaitun 400.000 litere'.”

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 36:8

Tamaka lompona anggaranna pangngamaseanTa, o, Allata'ala, a'la'langi rupataua lalang ri la'lanna ka'nyitTa.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 3:20

Lanri pangngassenganNa naNapare' sikamma kabattuanna je'neka irawa ri reppe'na buttaya nampa napalo'loro' je'ne'na kammayatompa rammanga ri langi' appatiri' je'ne' ri buttaya.

YESAYA 45:8

Kupaturungi pammetanga battu ri langika rapang bosi, nasungkei kalenna buttaya untu' antarimai, nampa napattimbo kasalamakkanga siagang kabebasanga; iNakkemi Batara ampa'jari ngasengi anjo sikammaya.”

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YO"EL 2:19

Appialimi ri ke'nanga kamma anne, “Kamma-kamma anne Kusare ngasengko: gandung, anggoro' siagang minynya' zaitun untu' kanre-kanreang, sollannu nibassori ngaseng. Tena nalaKupa'biangko nihina yareka nikakkali ri bansa-bansaya.

MIKHA 5:7

Tu Israel niaka ija ammantang ri alla'na bansa-bansaya lakontui singa ri tangnga-tangngana olo'-oloka ri romanga yareka ri tangnga-tangngana gimbalaka ri parang rukuka. Anjo singaya antamaki ri tangnga-tangngana anjo lokoang gimbalaka na naonjo'-onjokang siagang nakae-kae; tena akkulle allappassangi anjo sikamma gimbalaka.

ZAKHARIA 8:12

Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

PAMMILANGNGANG 13:20

Pakajarreki pa'mai'nu. Ciniki apaka coppongi buttana siagang jai poko'-poko' kayuna. Teako takkaluppai angngerang ammotere' sike'de' rappo-rappoang attimboa anjoreng.” Anjo wattua pakkaramulami wattu anggoroka.

PAMMILANGNGANG 18:12

Kupassareangi mae ri kau sikamma kaminang bajika battu ri kattoang uru-urua, napassareanga tu Israel mae ri Nakke tunggala' taung, iamintu minynya' zaitun, je'ne' anggoro' siagang gandung.

ROMA 11:17

Anjo tangke-tangkenna poko' zaitunga – iamintu pangngebaranna tu Yahudia – le'ba'mi nitoto sipa'rua. Nampa anjoreng ri bate le'baka nitoto nipaccangkokimi tangke poko' zaitun tenaya niparakai, iamintu pangngebaranna ikau bansa maraenga. Nipacangko' mako mae anjoreng sollanna nukasia' sikamma kabajikang battua ri katallassang rohanina tu Yahudia.

PAOLE 32:2

Dasi-dasi narapang bosi manurung pangngajarangku, na rapang je'ne' allung mammatti' kana-kanangku, rapang bosi sarro ri tompo'na ruku'-rukuka, bosi a'ricci'-ricci' ri tompo'na lamung-lamunga.

PAOLE 33:13

Ri sesena suku Yusuf nakana: “Dasi-dasi nanibarakkaki buttana ke'nanga ri Batara ri je'ne' battu rawa ri butta siagang bosi.

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.

IBRANI 11:20

Lanri tappa'na, nanapa'janjiammo Ishak sikamma barakkaka mae ri Yakub siagang Esau untu' allo ri boko.