PA'JARIANG 27:19 - KITTA' MATANGKASA'

¹⁹ Appialimi Yakub angkana, “Esau, ana' toata. Le'ba'mi kugaukang pasanta. Ammempo maki' siagang angnganre maki' dageng kugappaya kusoso' anne, sollanna akkulleki' ambarakkakia'.”

PA'JARIANG 27:19 ပူးပေါင်းရင်းမြစ်များ

PA'JARIANG 25:25

Ia toaya eja-ejai bukkulenna, nasangkamma a'bului bukkulenna sanrapang bulunna jubaya. Lanri kammanami anjo naniareng Esau.

PA'JARIANG 25:28

Ishak la'bi nangaiangngangi Esau, lanri nangaina Ishak angnganre dageng nisosoka. Mingka Ribka la'bi nangaiangngangi Yakub.

PA'JARIANG 27:18

Le'baki anjo a'lampami Yakub mae ri manggena na nakana, “Bapa'!” Appialimi Ishak angkana, “Iyo'. Inai kontu, Esau yareka Yakub?”

PA'JARIANG 27:21

Nakanamo Ishak ri Yakub, “A'reppe'-reppesekko mae sollannu akkulle kuta'gala'. Maka Esau tojengko?”

PA'JARIANG 27:31

Appallu tommi kanre-kanreang nyamang, nampa naerang mange ri manggena. Nakana, “Ammempo maki' Bapa', siagang angnganre maki' dageng kueranga untu' ikatte, sollanta akkulle ambarakkakia'.”

PA'JARIANG 27:35

Nakanamo Ishak, “Le'ba'mi battu mae andi'nu amballe-balleia'. Le'ba'mi naalle barakka' eroka sitojenna kupassareang ri kau.”

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PA'JARIANG 27:45

na nakaluppaimo anjo apa le'baka nugaukang mae ri ia. Nampa lakusuro sallang taua angngerangko ammotere' mae anrinni. Taeroka' tappela' rua anakku lalang se'rea allo.”

1 KARAENG-KARAENG 13:18

Jari a'balle-ballemi anjo na'bi toa battua ri Betel angkana ri ia, “Inakke na'bi tonja' sangkamma ikatte. Lanri parentaNa todong Batara na Nasuro malaeka'Na ampauanga' sollanna kubuntuliki' siagang kutoanaki' ri ballakku.”

1 KARAENG-KARAENG 14:2

Nakanamo Yerobeam ri bainenna, “Sadia-sadiako untu' a'lampa mange ri Silo ri balla'na Na'bi Ahia, angkanaya riolo la'jari karaenga' ri Israel. Mingka ammakeang palusukko sollanna tena naassengko taua.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.