PA'JARIANG 27:14 - KITTA' MATANGKASA'

¹⁴ Jari a'lampami Yakub angngallei anjo bembea na naerang mae ri amma'na. Nampa napallu Ribka a'jari pallu-pallu pangngainna Ishak.

PA'JARIANG 27:14 ပူးပေါင်းရင်းမြစ်များ

PA'JARIANG 25:28

Ishak la'bi nangaiangngangi Esau, lanri nangaina Ishak angnganre dageng nisosoka. Mingka Ribka la'bi nangaiangngangi Yakub.

PA'JARIANG 27:13

Appialimi amma'na angkana, “Teako batai, na'. Inakkepa antanggongi pattunrana. Gaukang mami kanangku. A'lampamako angngallei anjo bembea.”

PA'JARIANG 27:15

Nampa naalle Ribka bajunna Esau kaminang bajika, niaka naboli' ri balla', na napipakeang mae ri Yakub.

PA'JARIANG 27:17

Nampa nasare Yakub anjo pallu-pallu nyamanga siagang roti le'baka napare'.

PA'JARIANG 27:31

Appallu tommi kanre-kanreang nyamang, nampa naerang mange ri manggena. Nakana, “Ammempo maki' Bapa', siagang angnganre maki' dageng kueranga untu' ikatte, sollanta akkulle ambarakkakia'.”

PA'JARIANG 27:4

Bajiki palluna situru' pallu-pallu kungaia, nampa nuerang mae ri nakke. Punna le'baki kukanre, lakusareko barakka' lalang tenanapa kumate.”

PA'JARIANG 27:7

‘Mange mako assoso' siagang angngondang mako sikayu olo'-olo' nampa nupalluang bajikka'. Punna le'ba' kukanre, lakusareko barakkakku ri dallekanNa Batara ilalang tenanapa kumate.’ ”

PA'JARIANG 27:9

A'lampako mange ri tampa'na gimbalatta, nanupilei ruang kayu bembe co'moka, sollanna kupallu sangkamma pallu-pallu nangaia manggenu.

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.