PA'JARIANG 26:8 - KITTA' MATANGKASA'

⁸ Ammantannamo Ishak anjoreng siapa are sallona, ri se'reang allo attontommi Karaeng Abimelekh battu ri tontonganna, nanacini'mo Ishak siagang Ribka assikama'-kamaseang.

PA'JARIANG 26:8 ပူးပေါင်းရင်းမြစ်များ

PA'JARIANG 26:7

Ri wattunna akkuta'nang taua anjoreng ri passala'na Ribka, appialimi Ishak angkanaya andi'na anjo Ribka, teai bainenna. Mallaki Ishak angkanaya lanibunoi ri yangaseng anjo taua sollanna akkulle naalle anjo Ribka sannaka ga'gana.

PA'JARIANG 26:9

Jari nakio'mi Ishak nampa nakuta'nang angkana, “Sai bainennu anjo bainea? Angngapa nanupau angkana andi'nu?” Appialimi Ishak angkana, “Kupikkiriki angkanaya punna kupau angkana bainengku tena tanibunoku.”

PANGNGEBARANG 7:6

Ri se'reang allo accinikka' battu ri tontongang ballakku.

KATO'BA 9:9

Kasia'mi tallasaka siagang bainennu nungaia lalang tallasa' sia-sianu, Nasareako Allata'ala ri lino. Kasia'mi allo-allo manna natena matu-matunna. Saba' iaji anjo bawang sawala' posonu.

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

HAKING-HAKING 5:28

Battu ri jandelana na mattayang amma'na Sisera, nanakanamo, “Angngapai natena memampa nabattu karetana, angngapa natakalangngerang sa'ra bangkeng jaranna?”