PA'JARIANG 26:34 - KITTA' MATANGKASA'

³⁴ Ri wattunna patampulo taung umuru'na Esau, a'nikkami siagang rua tulolo battu ri suku bansa Het, iamintu Yudit ana'na Beeri siagang Basmat ana'na Elon.

PA'JARIANG 26:34 ပူးပေါင်းရင်းမြစ်များ

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 27:46

Nakanamo Ribka ri Ishak, “Lanrema' siagang birisi'ma' anciniki anjo sikamma bainenna Esau battua ri bansa maraeng. Punna a'bunting todong Yakub siagang tulolo battua ri bansa Het, bajikangngang mate mama'.”

PA'JARIANG 28:8

Jari napahammi Esau, angkanaya anjo Ishak manggena, tanangaiyai tubaine Kanaan;

PA'JARIANG 28:9

lanri kammana a'lampami Esau mange ri Ismael, ana'na Abraham, nampa a'bunting siagang ana'na Ismael niarenga Mahalat, andi'na Nebayot.

PA'JARIANG 36:2

Esau a'buntingi siagang tallu baine tu Kanaan, iamintu: Ada, ana'na Elon tu Het; Oholibama, ana'na Ana' siagang cucunna Zibeon tu Hewi;

PA'JARIANG 36:5

siagang Oholibama allassukangi Yeus, Yaelam, siagang Korah. Yangasenna anjo anaka nilassukangi ri butta Kanaan.

KALAPPASSANG 34:16

Punna a'bunting ana'-ana'nu siagang bai'-baine bansa maraeng, laninyonyoki ke'nanga ri anjo bai'-bainea untu' ambokoiA' nampa anynyomba ri rewata-rewatana ke'nanga.

1 KORINTUS 7:2

Mingka sollanna tena nanigodai taua anggaukangi apa-apa tenaya matu-matunna, bajikangangi punna massing nia' baine kalenna se're-se'rea bura'ne, kammayatompa massing nia' bura'ne kalenna se're-se'rea baine.

IBRANI 12:16

Jagai sollanna tena nanunia' a'gau' sala yareka tanuanggara' bajikai katallassang rohania, sangkamma le'baka nagaukang Esau. Nabalukangi empoanna salaku ana' bungasa', passabakkang sipanne ca'di kanre.

1 SAMUEL 26:6

Nampa akkuta'nammo Daud ri Ahimelekh, anjo tu' Het, kammayatompa mae ri Abisai sari'battanna Yoab (Amma'na ke'nanga iamintu Zeruya), angkana, “Inai barani angngaganga antama' ri kemana Saul?” Appialimi Abisai angkana, “Inakke!”