PA'JARIANG 26:30 - KITTA' MATANGKASA'

³⁰ Nampa natoanamo Ishak anjo ke'nanga, siagang angnganremi nangnginung ke'nanga.

PA'JARIANG 26:30 ပူးပေါင်းရင်းမြစ်များ

PA'JARIANG 19:3

Mingka napala' dudumi Lot, na kale'bakkanna antama'mi ke'nanga siagang ia ri balla'na. Appasadiami Lot kanre-kanreang nyamang, siagang attunumi roti siganna'na, nampa angnganremo ke'nanga.

PA'JARIANG 21:8

Pila' a'bakka'mi anjo anaka. Na ri wattunna narapi'mo wattunna nisa'la susu anjo anaka, appare'mi Abraham passua'-suarrang.

PA'JARIANG 26:31

Ammukona bari'basa' massing napaumi janjinna ke'nanga na niassai siagang sumpa. Nampa napasalama' Ishak ke'nanga ri lampana, siagang assisa'la'mi ke'nanga sangkamma bela singaia.

PA'JARIANG 31:54

Anynyamballemi sikayu olo'-olo' nampa napassareang a'jari koro'bang irate ri anjo buluka. Nampa naundammo sikamma taunna untu' angnganre assama-sama. Le'baki angnganre, a'bangngimi ke'nanga irate ri anjo buluka.

KALAPPASSANG 18:12

Nampa angngerang Yitro siapa are koro'bang nitunu siagang koro'bang nipolong, a'jari passare mae ri Allata'ala. Battumi Harun siagang sikontu pamimpinna bansa Israel na sipangnganreang siagang Yitro lalang kahaderanNa Allata'ala.

ROMA 12:18

Usahakangi sollannu akkulle assiama' ngaseng siagang taua lalang tallasa'nu.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

1 PETRUS 4:9

Paralluko massing sitoana baji' ri balla'nu, siagang teako akkunrarengi.