PA'JARIANG 26:22 - KITTA' MATANGKASA'

²² Nampa a'lette' battu anjoreng, siagang angngekemi pole bungung makatallua. Anjo wattua tena na'jari pa'beserang. Lanri kammana, naaremmi Ishak anjo bungunga “Kabebasang”. Nakanamo, “Kamma-kamma anne Nasare maki' Batara kabebasang untu' ammantang ri anne pa'rasanganga, siagang akkulle maki' a'jari baji' tallasatta anrinni.”

PA'JARIANG 26:22 ပူးပေါင်းရင်းမြစ်များ

PA'JARIANG 17:6

LaKusareko jai ana' cucu, siagang nia' battu ri ke'nanga la'jari karaeng sallang. Lasannaki jaina turungannu, sa'genna la'jari bansa-bansa ke'nanga.

PA'JARIANG 26:21

Angngekemi pole surona Ishak bungung maraeng, mingka a'jarimi pole pa'beserang anjo bungunga. Lanri kammana nasaremi areng Ishak anjo bungunga “Passimusuang”.

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 41:52

Nakanamo pole, “Nasarema' ana' Allata'ala ilalang ri kasukkarrangku.” Nampa naareng anjo ana' makaruaya “Efraim”.

PAMMUJI 118:5

Lalang kasukkarangku akkioka' mae ri Batara; nampa appiali na Nalappassanga'.

PAMMUJI 119:32

Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

PAMMUJI 18:19

Nabakkaia' ke'nanga ri wattu natujuku bala, mingka Batara a'jari pannulungku.

PAMMUJI 4:1

Untu' pamimping pakelonga. Nirurungangi ri kacapi. Pammujina Daud.

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

YESAYA 54:2

Luarrimi kema-kema pammantangannu; la'bui otere'na siagang pakajarreki patto'-patto'na!

YESAYA 54:3

Lapila' katambangi luara'nu mae ri kanang siagang mae ri kairi, pandudu'nu lanaempoi buttana bansa-bansaya siagang lanapammantangngi kota-kota sinoa kamma-kamma anne.