PA'JARIANG 26:14 - KITTA' MATANGKASA'

¹⁴ Angngiri matami tu Filistin ri ia lanri jaina surona, pa'rappungang gimbala'na siagang sapina.

PA'JARIANG 26:14 ပူးပေါင်းရင်းမြစ်များ

PA'JARIANG 12:16

Na lanri anjo Sarai, niada' baji'-baji'mi Abram ri karaenga siagang nisaremi siapa are ata, kammayatompa siapa are jaina gimbala' siagang bembe, sapi, keledai siagang unta.

PA'JARIANG 13:2

A'jari kalumanynyang sikalimi Abram; jaimi gimbala'na, bembena, sapina, kammayatompa jaimi pera'na siagang bulaenna.

PA'JARIANG 24:35

Sanna' nibarakkakinna karaengku ri Batara, siagang nipa'jarimi sanna' kalumanynyanna. Nisaremi ri Batara sanna' jaina gimbala', bembe, sapi, unta, keledai, kammayatompa pera', bulaeng, siagang pole suro-suro bura'ne siagang baine.

PA'JARIANG 25:5

Manna nanapassareang ngaseng sikamma pa'barang-baranganna a'jari sossoranna Ishak,

PA'JARIANG 30:43

Kammaminjo na'jari sanna'mo kalumanynyanna Yakub. Jai sikalimi bembena, gimbala'na, untana, keledaina, siagang tunisuro-surona.

PA'JARIANG 37:11

Sikamma daenna Yusuf angngiri mata ngasemmi. Mingka ia manggena, tuli nanawa-nawami anjo so'naya.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

AYUB 5:2

Tau toloaji bawang matea lanri pa'risi' nyawana.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 112:3

Lakalumanynyangi siagang lacoppongi kaluargana, siagang lasalewangangi satunggu-tungguna.

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

1 SAMUEL 18:9

Appakkaramula anjo alloa assereatimi ri Daud.