PA'JARIANG 25:27 - KITTA' MATANGKASA'

²⁷ Pila' katambammi lompona anjo ruaya ana'. Esau a'jarimi pasoso' sannaka cara'de'na, nanangai ammantanga ri parang. Mingka Yakub sannangi sipa'na siagang nangai ammantanga ri balla'.

PA'JARIANG 25:27 ပူးပေါင်းရင်းမြစ်များ

PA'JARIANG 10:9

Lanri pannulunNa Batara nanipa'jarimo tau pore ammurang. Lanri kammana minjo nabiasa taua angkana, “Poro Napa'jariko Batara tupore ammurang sangkamma Nimrod.”

PA'JARIANG 21:20

Nirurungammi Ismael ri Allata'ala. Pila' a'bakka'mi lompona anjo anaka. Ammantangi ri parang lompona Paran, siagang a'jarimi pasoso' sannaka cara'de'na.

PA'JARIANG 27:40

Lattallasakko lanri battu ri pa'dannu, mingka la'jari suronako andi'nu, mingka punna angngewako, lata'lappasakko battu ri kakoasanna.”

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

PAMMUJI 37:37

Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.

YEREMIA 35:7

Takkulleai ikambe a'lamung, takkulleai ikambe appare' yareka ammallaki koko anggoro'. Lalang sikontu tallasa'na ikambe, tena todong nakkulle ambangung balla'. Musti anjorengi ri kemaya ikambe ammantang, sollanna akkulle ammantang tuli anrinni ri tampaka salaku tau annompang.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.