PA'JARIANG 25:23 - KITTA' MATANGKASA'

²³ Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

PA'JARIANG 25:23 ပူးပေါင်းရင်းမြစ်များ

PA'JARIANG 17:16

LaKubarakkaki anjo bainennu siagang lanalassukangi sitau ana' bura'ne ia laKupassareanga mae ri kau. LaKubarakkaki Sara, siagang iami la'jari anronna sikontu bansa-bansaya. Battu ri turunganna lania' siapa are jaina la'jari karaeng.”

PA'JARIANG 17:4

“Iaminne parjanjiang Kupareka siagang ikau: A'janjiA' angkanaya laKupa'jariko boe-boena jaia bansa. Lanri kammana teaimi Abram arennu, mingka Abraham.

PA'JARIANG 25:24

Narapi'mi wattunna Ribka untu' lammana'. Allassukammi rua ana' bura'ne akkambara'.

PA'JARIANG 25:27

Pila' katambammi lompona anjo ruaya ana'. Esau a'jarimi pasoso' sannaka cara'de'na, nanangai ammantanga ri parang. Mingka Yakub sannangi sipa'na siagang nangai ammantanga ri balla'.

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

PA'JARIANG 27:33

Appakkaramulami annekkere' sibatu kalenna Ishak, siagang akkuta'nammi angkana, “Punna kamma, inai anjo sumpadeng battua assoso' nampa naerang mae ri nakke? Le'ba'mi kukanre ri tenanapa nubattu. Nampa le'ba'mi kupassareang barakkakku kala'busanga mae ri ia, nakamma-kamma anne iami pata anjo barakkaka sa'genna satunggu-tungguna.”

PA'JARIANG 27:37

Appialimi Ishak angkana, “Le'ba'mi kupa'jari anjo andi'nu a'jari karaennu, siagang sikamma bija pammanakannu la'jari ngasengi suro-surona. Le'ba'mi kusare gandung siagang anggoro'. Kamma-kamma anne tena sikalimo apa-apa akkulle kugaukang untu' ikau, Na'!”

PA'JARIANG 27:40

Lattallasakko lanri battu ri pa'dannu, mingka la'jari suronako andi'nu, mingka punna angngewako, lata'lappasakko battu ri kakoasanna.”

PA'JARIANG 32:6

Ri wattunna ammotere' sikamma anjo tunasuroa Yakub, nakanamo ke'nanga, “Battumi ikambe ri Esau, daenta, nakamma-kamma anne niaki lalang pa'jappang, ero' battu mae ambuntuliki'. Battui mae sirurungang patambilangngang tau.”

PA'JARIANG 33:3

Nampa a'jappa Yakub ri dallekanna ngaseng ke'nanga. A'reppeseki mae ri daenna, su'ju'mi ri dallekanna daenna pintuju.

PA'JARIANG 36:31

Ri tenanapa karaeng ammarenta ri Israel, iaminne sikamma karaeng ammarentaya ri butta Edom: Bela, ana'na Beor battu ri Dinhaba. Yobab, ana'na Zera battu ri Bozra. Husyam, battu ri daera Téman. Hadad, ana'na Bedad battu ri Awit (iami ambetai tu Midian lalang pa'bundukanga ri Daera Moab). Samla, battu ri Masreka. Saul, battu ri Rehobot ri biring binangaya. Baal-Hanan, ana'na Akhbor. Hadar, battu ri Pahu (bainenna niarengi Mehetabeel, ana'na Matred siagang cucunna Mezahab).

PA'JARIANG 48:19

Mingka taerokai manggena, na nakana, “Kuassenji ana', kuassenji. Manasye lalompoi koasana, siagang turunganna la'jari tongi bansa lompo. Mingka andi'na lalompoangngangi koasana naia, kammayatompa turunganna andi'na la'jari bansa-bansa lompo.”

2 SAMUEL 8:14

Ambangummi pakkemaang-pakkemaang tantara ri sikontu Edom, na anjo sikontu tu Edom tundu'mi mae ri ia. Nisarei Daud pammetang ri Batara manna pole kemae napa'bunduki.

1 PATTOTTORANG 18:13

nampa ambangung kema-kema tantara ri sikontu Edom. Jari tundu' ngasemmi tu Edom mae ri Daud. Batara assarei pammetang ri kere-keremae Daud a'bundu'.

OBAJA 1:21

Pandudu'na Yerusalem porea lanabunduki Edom nampa nabeta. Nampa iNakke Batara lammarenta salaku karaeng.”

PAMMILANGNGANG 20:14

Nampa akkirimmo Musa siapa are tunisuro battu ri Kades untu' mange andallekang ri karaeng Edom. Angkanami ke'nanga, “Ikambe anne tubattuki' ri suku-suku Israel niaka ija passisambungang bijanna siagang ikatte karaeng. Kiassenji kapang kasusaang antujuai ikambe karaeng.

PAOLE 2:4

Nampa Nasuroa' Batara ampauangko anne pangngunju' kammaya, ‘Tenamo nanusallo na nupantamakkimo pa'rasangang Edom, daerana sikamma sari'battannu, jari-jarina Esau. Lamallaki ke'nanga mae ri kau,

PAOLE 2:8

Nampa a'jappa tulusukki', nibokoi oloang mangea ri kota-kota Elat siagang Ezion-Geber mange ri Tamparang Matea, nampa a'lekko anrai' mange ri Parang Lompona Moab.

1 SAMUEL 17:14

Daud ana' bungko. Ri wattu anjo tallua daenna lalang pa'bundukang amminawang ri Saul,