PA'JARIANG 25:22 - KITTA' MATANGKASA'

²² Attianammi ana' akkambara'. Ri tenanapa nalassu' anjo ana'-anaka, assilutturu'mi ke'nanga lalang ri battanna. Nakanamo Ribka, “Angngapa namusti kajariang anne kammaya ri kalengku?” Nampa appala'mo pitunju' mae ri Batara.

PA'JARIANG 25:22 ပူးပေါင်းရင်းမြစ်များ

YEHEZKIEL 20:31

Ba'lalo sa'genna anne alloa nura'massi kalennu lanri angngerannu passare siagang nutunui ana'-ana'nu salaku koro'bang mae ri barhala-barhalaya. Nampa barani ijako appala' pangngunju' battu ri Nakke? Lanri iNakke, Allata'ala mattallasaka, Batara Kaminang Tinggia, tena nalaKupa'biangko appala' pangngunju' battu ri Nakke.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

1 SAMUEL 10:22

Lanri kammana akkuta'nammi taua ri Batara angkana, “O Batara, apaka anjo taua nia'mi anrinni?” Appialimi Batara angkana, “Accokkoi Saul ri bokona barang-barang pakkakasaka.”

1 SAMUEL 22:15

Memang, le'baki atanta ampappalakkangi pitunju' battu ri Allata'ala, mingka tena nanampanna anjo nagaukang atanta. Nikanaya passamaturukang ambaliangki', teaki' tudui atanta yareka kalase'renna tau lalanga ri kaluargana atanta. Tena apa-apa pangngassenna atanta ri anjo passalaka!”

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

1 SAMUEL 30:8

Nampa akkuta'nang Daud mae ri Batara angkana, “Apaka musti kuondangi anjo garombolanga? Maka akkulleji kurapi' ke'nanga?” Appialimi Karaeng Allata'ala angkana, “Iyo, ondammi; lanurapiki ke'nanga nampa nulappassang sikamma tau nijakkalaka.”

1 SAMUEL 9:9

Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)