PA'JARIANG 25:20 - KITTA' MATANGKASA'

²⁰ Ishak, patampulo taung umuru'na ri wattunna a'nikka siagang Ribka, andi'na Laban, ana'na Betuel, tubattu ri Aram ri Mesopotamia.

PA'JARIANG 25:20 ပူးပေါင်းရင်းမြစ်များ

PA'JARIANG 22:23

ia a'jaria sallang manggena Ribka. Iaminjo sagantuju ana' nalassukanga Milka battu ri bura'nenna Nahor, sari'battanna Abraham.

PA'JARIANG 24:15

Ilalang appala' doanna anjo, nia'mi battu Ribka, iamintu sitau tulolo sannaka ga'gana, angngerang bongki irate ri salangganna mange anjoreng ri bungunga. Iami ana'na Betuel. Na ia tau toana anjo Betuel iamintu Nahor siagang Milka. Na anjo Nahor, iami daenna Abraham. Mangemi Ribka anjoreng ri bungunga nampa nabonei bongkina, nampa a'jappa ammotere'.

PA'JARIANG 24:29

Anjo Ribka nia' sitau daenna bura'ne niarenga Laban. Nalangngereki anjo caritana andi'na ri passala'na anjo apa napaua anjo suroa. Nacini' tommi anjo anting-anting niaka ri ka'murunna siagang ponto niaka ri limanna anjo andi'na. Jari larimi Laban assulu' battu ri balla' untu' anruppai anjo surona Abraham, ia niaka ija ammenteng siagang untana ngaseng ri ampi'na bungunga.

PA'JARIANG 24:67

Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

PA'JARIANG 25:26

Ri wattunna nilassukang ana' makaruaya, limanna anna'galaki ri kacunu' bangkenna Esau. Iaminjo saba'na naniareng Yakub. Annampulo taung umuru'na Ishak, wattu lassu'na ke'nanga.

PA'JARIANG 27:43

Jari gaukangi anne kanangku. A'lampako linta' mange ri daengku Laban ri Haran,

PA'JARIANG 28:2

A'lampako mange ri Mesopotamia, ri bijanna Betuel, toanu, nampa a'bunting mako siagang kalase'renna ana'na purinannu Laban.

PA'JARIANG 28:7

Pantaranganna anjo naasseng tommi angkanaya naturuki Yakub kananna manggena siagang amma'na, siagang a'lampami mange ri Mesopotamia.

PA'JARIANG 31:20

Naakkallimi Yakub anjo Laban, natena napauangi pa'lampanna.

PA'JARIANG 31:24

Ri wattunna bangngi battumi Allata'ala mae ri Laban lalang so'na, na Nakana, “Tutuko, tea' laloko garattaki Yakub manna sibuku kana.”

PA'JARIANG 33:18

Lalang ri pa'lampanna Yakub battu ri Mesopotamia, battumi siagang salama' ri kota Sikhem, ri pa'rasangang Kanaan. Nampa nabangummo kemana ri se'reang parang ri ampi'na kotaya.

PA'JARIANG 35:26

Ana'-ana' battua ri Zilpa, surona Lea, iamintu Gad siagang Asyer. Anjo anaka anjorengi ri Mesopotamia nilassukang.

PA'JARIANG 35:9

Ammotere'na Yakub battu ri Mesopotamia, Napappicinikammi pole KalenNa Allata'ala ri ia siagang nibarakkakimi.

PA'JARIANG 46:15

Yangaseng anne ke'nanga ana'na Yakub nalassukanga Lea ri Mesopotamia, napantaranganna anjo nia' todong ana'na baine niarenga Dina. Jari sikontu turunganna Yakub battu ri bainenna niarenga Lea nia' tallumpulo antallu tau jaina.

LUKAS 4:27

Kammayatompa ri jammang nia'na Na'bi Elisa, jai tau garring sala ri Israel. Mingka manna sitau battu ri ke'nanga tania' niballei ri Elisa. Passangalinna Naaman bawang, anjo tu niaka ri Siria.”

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.