PA'JARIANG 25:18 - KITTA' MATANGKASA'

¹⁸ Turunganna ke'nanga ammantang ri alla'na daera Hawila siagang Syur, ri bageang rayanganna Mesir a'lampa mangea ri Asyur. Tassa'la'mi ke'nanga battu ri turunganna Abraham maraenga.

PA'JARIANG 25:18 ပူးပေါင်းရင်းမြစ်များ

PA'JARIANG 10:29

Ofir, Hawila, siagang Yobab. Ia ngasemmi anjo sossoranna Yoktam.

PA'JARIANG 10:7

Sossoranna Kus iami a'jari pandudu' ri Seba, Hawila, Sabta, Raema, siagang Sabtekha. Sossoranna Raema iami a'jari pandudu' ri Syeba siagang Dedan.

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

PA'JARIANG 14:10

Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

PA'JARIANG 16:12

Mingka anjo ana'nu sallang lakammai keledai liaraka tallasa'na; lanaewai sikamma taua, siagang yangasenna taua langngewai. Latassa'laki tallasa'na ke'nanga battu ri sikamma sari'battanna.”

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 2:11

Makase'rea niarengi Pison; iaminne binangaya a'lo'loro' ri tammulilina butta Hawila.

PA'JARIANG 20:1

A'letteki Abraham battu ri Mamre, ri bageang timboranna butta Kanaan, nampa ammantang anjoreng ri alla'na Kades siagang Syur. Siapa are wattu ribokoanganna, ri wattunna ammantang ri Gerar,

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 21:21

Nipa'buntimmi ri amma'na siagang sitau baine Mesir.

1 PATTOTTORANG 1:23

Ofir, Hawila, siagang Yobab.

PAMMUJI 78:64

Nibunoi imang-imanna ke'nanga siagang pa'dang, takkuleai appiraung janda-jandana ke'nanga.

KALAPPASSANG 15:22

Nampa naerammo Musa anjo bansa Israel battu ri Tamparang Alara' mange ri parang lompo niarenga Syur. Tallungalloi ke'nanga a'jappa allalo ri parang lompoa, natale'baka ammuntulu' je'ne'.

YEHEZKIEL 23:23

LaKupa'rappungi siagang laKuerangi mae ri kau sikamma tanrinnu battu ri Babel, Pekod, Soa, Koa Asyur, kammayatompa tu Kaldea. Kuerang tongi mae ri kau sikamma tu bura'ne gammaraka siagang tinggia pangka'na, bija karaenga, pagawe-pagawe tinggia, siagang perwira-perwira pasukang a'jaranga.

1 SAMUEL 15:7

Le'baki anjo a'bundu'mi Saul siagang tu Amalek, nampa nabeta ke'nanga ri sikamma aganga battu ri Hawila sa'genna ri Syur ri rayanganna Mesir.