PA'JARIANG 25:13 - KITTA' MATANGKASA'

^13-16 Ismael nia' sampulo anrua ana'na. Iaminne areng-arenna situru' kalassukanna: Nebayot, Kedar, Adbeel, Mibsam, Misyma, Duma, Masa, Hadad, Tema, Yetur, Nafis, siagang Kedma. Ia ngasemmi anne a'jari boe-boena sampuloa anrua suku bansa, siagang desana siagang kemana ke'nanga niarengi situru' massing arenna ke'nanga.

PA'JARIANG 25:13 ပူးပေါင်းရင်းမြစ်များ

PA'JARIANG 17:20

Mingka laKuturukiangko pappala'nu ri sesena Ismael. Lanri kammana nalaKubarakkaki Ishak siagang laKusarei turungang majai. Iami la'jari boe-boena sampuloa anrua kapala suku, siagang laKupa'jari turunganna se'reang bansa lompo.

PA'JARIANG 28:9

lanri kammana a'lampami Esau mange ri Ismael, ana'na Abraham, nampa a'bunting siagang ana'na Ismael niarenga Mahalat, andi'na Nebayot.

PA'JARIANG 36:3

Basmat, ana'na Ismael siagang andi'na Nebayot.

PAMMUJI 120:5

Cilakama' inakke lanri musti attallasakka' siagang ikau; tena simmaraenna ammantang ri Mesekh, yareka ri alla'na tu Kedar.

KELONG MALA'BIRI' 1:5

Manna kule'leng, mingka ga'gai tanjakku, he tulolonna Yerusalem; le'leng rapang kema-kemana Kedar mingka ga'gai rapang gordeng-gordenna balla' lompona Salomo!

YESAYA 42:11

Sikamma parang lompoa siagang kota-kotaya, mammujiko ri Batara, baji'mi na mammuji ri Batara pandudu'na Kedar! Pandudu'na kota Sela, akkio' rannuko, akkio'-kiokko battu rate ri coppo'na monconga!

YESAYA 60:7

Bembe siagang gimbala' battua ri Kedar nierangi mae ri kau sadiai gimbala' laki battua ri Nebayot untu' ibadanu. Anjo koro'banga napakasannangi atinNa Batara napaccayai Balla'Na rassia kala'birang.

YEREMIA 2:10

Jappai biring lau'na Siprus, kiringi taua anrai' ri pa'rasangang Kedar, paressa bajiki anjoreng, maka nia' kajariang kammaya?

YEREMIA 49:28

Iaminne kananNa Batara ri sesena suku Kedar siagang daera-daera kakoasanna Hazor, ia le'baka naalle Nebukadnezar karaeng Babel, “He Nebukadnezar, bunduki suku Kedar siagang ancuruki sikamma tau niaka iraya!

YEHEZKIEL 27:21

Tu Arab siagang ammarentaya ri butta Kedar naballi barang-barannu siagang ana' gimbala', gimbala' laki siagang bembe.

HAKING-HAKING 8:24

Mingka nakanamo pole Gideon, “Se'reji bawang papalakku; sikontu anjo anting-anting nurampasaka battu ri musua, sareang ngasenga'.” (Biasana tu Midian ammakei anting-anting bulaeng; sangkamma todong tuniaka ammantang ri parang kassika.)