PA'JARIANG 24:7 - KITTA' MATANGKASA'

⁷ Batara, Allata'ala makoasaya ri langika, le'ba' angngeranga' assulu' battu ri balla'na manggeku siagang battu ri pa'rasanganna bija pammanakangku, siagang le'ba'mi assumpa ri nakke angkanaya laNapassareangi anne pa'rasanganga mae ri turungangku. Iatommi lassuroi battu malaeka'Na untu' antulungko, sollanna akkulle nupanggappang sitau baine anakku battu anjoreng.

PA'JARIANG 24:7 ပူးပေါင်းရင်းမြစ်များ

PA'JARIANG 13:15

Sikontu anjo butta nucinika laKupassareangi mae ri kau siagang mae ri sossorannu, sollanna nukammai satunggu-tungguna.

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

PA'JARIANG 16:7

Battumi malaeka'Na Batara mae ri Hagar ri ampi'na timbuseng je'neka ri parang lompoa, ri agang mangea ri parang lompo Sur.

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

PA'JARIANG 21:17

Nalangngere'mi Allata'ala sa'ranna Ismael. Nampa a'bicaramo malaeka'Na Allata'ala battu rate ri langika mae ri Hagar, angkana, “Apa nukasusang Hagar? Teako mallakki. Nalangngere'mi Allata'ala sa'ranna ana'nu.

PA'JARIANG 22:11

Mingka akkio'mi malaeka'Na Batara battu ri langika mae ri ia angkana, “Abraham, Abraham!” Appialimi Abraham angkana, “Iye' Batara!”

PA'JARIANG 24:3

Assumpamako lanri Batara, Allata'ala makoasaya ri langika siagang ri buttaya, angkanaya tena nalanupa'boyang baine anakku Ishak battu ri alla'na anne sikamma tu Kanaan.

PA'JARIANG 24:40

Appialimi angkana, ‘Batara sangnging kuturukia, Iami lassuroi battu malaeka'Na untu' antulungko sollanna akkulle a'jari tugasa'nu. Lanugappai sitau baine untu' la'jari bainenna anakku, ia battua ri alla'na bija pammanakang kalengku, iamintu battua ri bijanna manggeku.

PA'JARIANG 26:24

Anjo bangngia Napappicinikammi KalenNa Batara ri ia, na nakana, “INakkemi Allata'alana manggenu Abraham. Teako mallakki; laKujagaiko. LaKubarakkakiko siagang laKusareko turungang sannaka jaina lanri janjingKu mae ri atangKu Abraham.”

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

PAMMUJI 136:26

Sukkurukko mae ri Allata'ala makoasaya ri langika; pangngamaseanNa sa'genna satunggu-tungguna.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

KALAPPASSANG 13:5

A'janjimi siagang assumpami Batara mae ri boe-boenu untu' laNapassareang mae ri kau pa'rasanganna bansa Kanaan, Het, Amori, Hewi, siagang Yebus. Punna Naerang mako Batara mange anjoreng ri anjo pa'rasangang akkalumanynyanga siagang copponga, tunggala' taung lalang bulang Abib, musti nugaukangi anne pa'gaukang kammaya.

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

YUNUS 1:9

Appialimi Yunus angkana, “Inakke tu Ibrani. Anynyomba' ri Batara, Allata'ala ri suruga, ampa'jariai tamparanga siagang bontoa.”

PAMMILANGNGANG 11:12

Inakkeka antianangngangi yareka allassukangi anjo ke'nanga? Angngapa Kisuroa' a'jari sangkamma patarinti akkalawinga ana' ca'di, sa'genna musti tulusu' kuparakainna ke'nanga lalang pa'jappang mange ri butta Kipa'janjianga mae ri boe-boena ke'nanga?

PAMMILANGNGANG 14:16

iKatte ambunoi ummatTa ri parang lompoa lanri tenana naKikkulle angngerangi ke'nanga mange ri pa'rasangang le'baka Kipa'janjiang.

LAMPA-LAMPANA 7:5

Anjo wattua, manna sike'de' tania' anne pa'rasanganga Napassareanga Allata'ala mae ri Abraham a'jari pa'rasanganna; manna sipala' bangkeng tania' nipassareang mae ri ia. Mingka a'janji Allata'ala angkanaya laNapassareangi mae ri Abraham siagang sossoranna anne pa'rasanganga, a'jari pa'rasanganna. Anjo wattua tena ana'na Abraham.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 34:4

Nampa Nakanamo Batara mae ri Musa, “Iaminjo pa'rasangang Kupa'janjianga mae ri Abraham, Ishak siagang Yakub untu' nipassareang mae ri jari-jarina ke'nanga. Kupappicinikangi mae ri kau, Musa, mingka tena naKupa'biangko a'lampa mange anjoreng.”

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 11:9

Lalang tappa'na ammantammi Abraham ri anjo pa'rasangang Napa'janjianga Allata'ala, a'jari kamma tu battu-battu. Ammantangi Abraham anjoreng, lalang ri kema napareka. Kamma tomminjo Ishak siagang Yakub, le'baka todong antarimai anjo janji kammaya battu ri Allata'ala.

YOSUA 1:6

Paralluko tappa' siagang barani, nasaba' ikau lampimpingi anne bansaya ri wattunna napantamakki ke'nanga pa'rasangang Kupa'janjianga mae ri boe-boena ke'nanga.

YOSUA 24:3

Nampa Kualle Abraham, anjo boe-boenu, battu ri anjo pa'rasangang ba'leanna Binanga Efrat, nampa Kusuro alla'bang anjappai sikontu pa'rasangang Kanaan. Kusarei jai turungang. Uru-uruna Kupassareangi Ishak mae ri ia,

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.