PA'JARIANG 24:61 - KITTA' MATANGKASA'

⁶¹ Nampa apparurumo Ribka siagang sikamma bai'-baine lolo a'jaria surona. Nai'mi ke'nanga ri untaya nampa a'lampa amminawang ri anjo surona Abraham.

PA'JARIANG 24:61 ပူးပေါင်းရင်းမြစ်များ

PA'JARIANG 2:24

Iaminjo saba'na nanabokoi bura'nea anrong manggena, nampa a'jari se're siagang bainenna, na'jari se'remo anjo ruaya tau.

PA'JARIANG 24:62

Ilalanna anjo wattua nia'mi Ishak battu ri parang lompoa, allalo ri bungung niarenga “Iami Amparhatikanga'” nammantang ri bageang timboro'na Kanaan.

PA'JARIANG 31:34

Ilalanna anjo le'ba'mi naalle Rahel anjo patunga nampa napantama' ri purukang pattekekanna untaya, nampa ia kalenna ammempoi rate ri anjo pattekekanga. Naparessami Laban sikontu kemana Rahel, mingka takkulleai nagappa anjo patunga.

ESTER 8:10

Anjo sura'-suraka natekengi Mordekhai lalang arenna Karaeng Ahasyweros siagang nasaremi sitempele' karaeng. Nampa nasuro Mordekhai siapa are jaina suro, untu' angngantaraki anjo sura'-suraka mange ri sikontu propinsi niaka lalang ri kakaraenganga. Sangnging jarang lacciri'na karaenga napake ke'nanga.

ESTER 8:14

A'lampami anjo sikamma tunisuroa, a'dongko' jaranna karaenga. Kammayatompa ri Susan, ri ibukotana anjo pa'rasanganga, nibaca tommi anjo parentaya.

PAMMUJI 45:10

Ri alla'na dayang-dayang balla' lompoa nia' ana'-ana' tulolonna karaeng. Ri sa'ri kanang empoang kala'biranga ammentengi bainenna karaeng ammake belo-belo bulaeng ti'no'.

HAKING-HAKING 5:30

“Sitabangi ke'nanga a'bage-bage barang rampasang se're tantara anggappa se're yareka rua tulolo bageanna Sisera iamintu parekang baju kaminang ka'jalaka anggaranna, untu' karaeng bainea bongong a'rupa-rupaya sulanna.”

1 SAMUEL 25:42

Nampa apparurumo linta'. Nai'mi ri keledaina nampa nirurungang ri lima tau baine palayanna, na'lampa amminawang ri tunasuroa Daud, na'jarimo bainenna Daud.

1 SAMUEL 30:17

Ammukona, ri wattu ammumbana alloa, nibundukimi ke'nanga ri Daud, na sa'genna bangngi ke'nanga a'bundu'. Pantaranganna patambilangnganga tau rungka laria a'dongko' unta, tena manna sitau anjo musua akkulle ta'lappasa'.