PA'JARIANG 24:59 - KITTA' MATANGKASA'

^59-60 Jari napa'biammi ke'nanga Ribka siagang tutoa baine biasaya amparakai untu' a'lampa siagang surona Abraham kammayatompa siagang ngaseng taunna anjo suroa. Nampa nabarakkakimo ke'nanga Ribka, siagang kana-kana kammaya anne, “Ikau Ribka, poro a'jariko anrong ri a'juta-jutaya tau! Poro turungannu akkullei nabeta kota-kotana musunna!”

PA'JARIANG 24:59 ပူးပေါင်းရင်းမြစ်များ

PA'JARIANG 24:50

Appialimi Laban siagang Betuel angkana, “Lanri anne apa kajarianga battui ri Batara, tena nasiratang ikambe antappuki.

PA'JARIANG 24:53

Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.

PA'JARIANG 24:54

Le'baki anjo angnganremi siagang angnginummi anjo surona Abraham siagang sikamma taunna, nampa a'bangngi anjoreng. Ambangunna ke'nanga ammukona bari'basa', nakanamo anjo suroa, “Boli'ma' appala' kana nakummotere' mange ri karaengku.”

PA'JARIANG 24:58

Nakio'mi ke'nanga Ribka nampa nakuta'nang angkana, “Ero'jako amminawang ri anne taua?” Appialimi anjo tuloloa angkana, “Iye', ero'ja'.”

PA'JARIANG 35:8

Anjoreng tommi mate Debora, iamintu baine angngurusukai Ribka. Nitarawammi ri rawanganna poko' kayu lompoa ri bageang timboranna anjo kotaya. Iaminjo saba'na naniareng anjo poko' kayua “Poko' Pangngarrukang”.

PAMMILANGNGANG 11:12

Inakkeka antianangngangi yareka allassukangi anjo ke'nanga? Angngapa Kisuroa' a'jari sangkamma patarinti akkalawinga ana' ca'di, sa'genna musti tulusu' kuparakainna ke'nanga lalang pa'jappang mange ri butta Kipa'janjianga mae ri boe-boena ke'nanga?

1 TESALONIKA 2:5

Nasaba' kalennu angngassengi angkanaya tale'bakai ikambe a'baji'-baji' ri bawa lanri nia' ero' kangoang taccokkona ikambe. Allata'ala a'jari sa'bi ri anne passalaka!