PA'JARIANG 24:53 - KITTA' MATANGKASA'

⁵³ Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.

PA'JARIANG 24:53 ပူးပေါင်းရင်းမြစ်များ

PA'JARIANG 24:10

Angngallemi anjo suroa sampulo kayunna unta siagang sangka' rupa barang-baranna karaenna ia tinggia anggaranna, nampa a'lampa mange ri kota napammantangia Nahor ri wattu tallasa'na. Pammantanganna anjo kotaya iamintu warakkanna Mesopotamia.

PA'JARIANG 24:22

Le'baki angnginung ngaseng anjo untaya sa'genna bassoro', angngallemi anting-anting bulaeng tinggia anggaranna anjo surona Abraham, nampa napataba ri ka'murunna anjo tuloloa. Nampa napatabai limanna sipasang ponto bulaeng.

2 PATTOTTORANG 21:3

Jai sikali nagappa ke'nanga bulaeng, pera' siagang barang-barang lompoa anggaranna maraenga battu ri manggena ke'nanga; siagang massing nisare tongi ke'nanga kota niaka pattahanganna ri Yehuda. Mingka lanri Yehoram ana' bura'ne kaminang toa, iami nipattantu ri Yosafat untu' a'jari karaeng.

EZRA 1:6

Sikontu siampi' balla'na ke'nanga massing assaremi bantuang, iamintu a'rupa barang-barang, kammayami pakkakasa'-pakkakasa' pera' siagang bulaeng, untu' bokong ri aganga, olo'-olo' untu' atteke', barang-barang maraengannaya, kammayatompa passare-passare untu' ambangungi Balla'Na Batara ri Yerusalem.

KALAPPASSANG 11:2

Lanri kammana anjo a'bicara mako siagang bansa Israel; suroi ke'nanga appala' belo-belo bulaeng siagang pera' battu ri siampi' balla'na ke'nanga.”

KALAPPASSANG 12:35

Nagaukang ngaseng tommi ke'nanga apa le'baka napau Musa, iamintu appalaki ke'nanga belo-belo bulaeng, pera' siagang pakeang battu ri tu Mesir.

KALAPPASSANG 3:22

Tunggala' tu baine Israelka massing lappalaki battu ri siampi' balla'na tu Mesirka kammayatompa battu ri tu baine naaganga siballa', iamintu pakeang siagang belo-belo pera' siagang bulaeng. Lanupakei anjo belo-beloa siagang ana'-ana'nu. Kammaminjo batenu langngalleangi apa-apanna tu Mesir.”

KELONG MALA'BIRI' 1:10

Ga'gai pilisi'nu alla'na belo-beloa, kallong ga'ganu ammake rante paramata.

KELONG MALA'BIRI' 4:13

Anjorengi attimbo poko'-poko' delimaya, siagang rappo-rappoang kaminang nyamanga. Bunga pacara' siagang narwastu,

YESAYA 39:2

Natarimami Hizkia anjo sikamma tau nisuroa siagang sannang pa'mai' siagang napappicinikammi mae ri ke'nanga sikamma kakalumanynyanganna, iamintu bulaeng, pera', rampa-rampa, minynya'-minynya' mabau', kammayatompa sikontu pakkakasa' bundu'na siagang tantarana. Tena manna sirupa ri balla' lompoa siagang sikontu kakaraenganna tanapappicinikang mae ri ke'nanga.