PA'JARIANG 24:48 - KITTA' MATANGKASA'

⁴⁸ Su'ju'ma' anynyomba siagang mammuji ri Batara, Allata'alana karaengku Abraham. Iami ampimpinga' tulusu' mae anrinni, ri bija pammanakanna sari'battanna karaengku, sa'genna akkulle kubuntulu' anne tuloloa untu' ana'na.

PA'JARIANG 24:48 ပူးပေါင်းရင်းမြစ်များ

PA'JARIANG 22:23

ia a'jaria sallang manggena Ribka. Iaminjo sagantuju ana' nalassukanga Milka battu ri bura'nenna Nahor, sari'battanna Abraham.

PA'JARIANG 24:52

Nalangngere'na surona Abraham anjo kananna ke'nanga, su'ju'mi anynyomba ri Batara.

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

PAMMUJI 107:7

Naului ke'nanga ri oloang lambusuka mange ri tampa' pammantangnganga ri kotaya.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

PAMMUJI 48:14

Parhatikangi tembo'na, paressai tembo' pattahanganna, sollanna akkulle nucarita mae ri turungannu:

KALAPPASSANG 18:20

Musti nuajaraki ke'nanga situru' sikamma parentaNa Allata'ala siagang nupangngajarrang antekamma nikanaya attallasa' baji' siagang apa musti nagaukang ke'nanga.

PANGNGEBARANG 4:11

Le'ba'mi kupangngajarrang kacara'dekanga mae ri kau siagang kupicinikiangko antekamma batena nikanaya tallasa' annabaya.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.